കോഴിക്കോട്: കൊവിഡ് വ്യാപനം രൂക്ഷമായ സാഹചര്യത്തില്‍ ബസുകളില്‍ നിന്നുള്ള യാത്ര ഒഴിവാക്കണമെന്ന നിബന്ധനക്കെതിരേ ബസുടമകള്‍. തീരുമാനം പുനപ്പരിശേധിക്കണമെന്ന് പ്രൈവറ്റ് ബസ് ഉടമകള്‍ ആവശ്യപ്പെട്ടു. നിന്നു യാത്രചെയ്യാന്‍ അനുവദിക്കാത്തപക്ഷം ബസ് സര്‍വീസുകള്‍ നിര്‍ത്തിവെക്കേണ്ടിവരുമെന്നും അവര്‍ മുന്നറിയിപ്പ് നല്‍കി. ഇതു പൊതുഗതാതത്തെ ബാധിക്കും. അല്ലെങ്കില്‍ ബസ് ചാര്‍ജ് വര്‍ധന വീണ്ടും വേണ്ടിവരുമെന്ന സൂചനകൂടിയാണിവര്‍ നല്‍കുന്നത്. രണ്ടായാലും ജനങ്ങള്‍ക്കുതന്നെയാകും ദുരിതവും നഷ്ടവുമെന്നാണ് പൊതുജനാഭിപ്രായം.