ന്യൂഡല്‍ഹി: റിസര്‍വ് ബാങ്കിന്റെ പുതിയ ഗവര്‍ണറായി ഉര്‍ജിത് പട്ടേലിനെ നിയമിച്ചു. നിലവിലെ ഗവര്‍ണറായ രഘുറാം രാജന് ശേഷം ഊര്‍ജിത് പട്ടേല്‍ ചുമതലയേല്‍ക്കും. ആര്‍.ബി.ഐയുടെ 24ാം ഗവര്‍ണറായാണ് ഊര്‍ജിത് നിയമിതനാകുന്നത്. നിലവില്‍ റിസര്‍വ് ബാങ്കിന്റെ ഡെപ്യൂട്ടി ഗവര്‍ണറായിരുന്നു ഊര്‍ജിത് പട്ടേല്‍. പട്ടേല്‍ യാലേ യൂണിവേഴ്‌സിറ്റിയില്‍ നിന്ന് സാമ്പത്തിക ശാസ്ത്രത്തില്‍ ഡോക്ടറേറ്റും ലണ്ടണ്‍, ഓക്‌സ്‌ഫോര്‍ഡ് യൂണിവേഴ്‌സിറ്റികളില്‍ നിന്ന് ഗ്രാജ്വേഷനും നേടിയിട്ടുണ്ട്. പണപെരുപ്പവുമായി ബന്ധപ്പെട്ട് നിരവധി പഠനങ്ങള്‍ നടത്തിയ പട്ടേല്‍ ഇന്റര്‍നാഷണല്‍ മോണിറ്ററി ഫണ്ടി (ഐ.എം.എഫ്)ലും പ്രവര്‍ത്തിച്ചിട്ടുണ്ട്.