ബ്രസല്‍സ്: കൊവിഡിനെ പ്രതിരോധിക്കാന്‍ പുതു വഴിയുമായി ബെല്‍ജിയന്‍ കലാകാരന്‍.പോര്‍ട്ടബിള്‍ ഒയാസിസ് എന്ന പുതുമാര്‍ഗവുമായാണ് സാമൂഹിക പ്രവര്‍ത്തകനും കലാകാരനുമായ അലെന്‍ വെര്‍ച്യുറേന്‍ ബ്രസല്‍സ് രംഗത്തെത്തിയത്. ഒരു കവചത്തിനുള്ളില്‍ സുഗന്ധ സസ്യങ്ങളാല്‍ ശുദ്ധീകരിച്ച വായു സജ്ജമാക്കിയാണ് ഇദ്ദേഹം നടക്കുന്നത്. കാശിത്തുമ്പ, റോസ്‌മേരി, ലവെന്‍ഡര്‍ തുടങ്ങിയ സസ്യങ്ങള്‍ തന്റെ മുഖ കവചത്തിനുള്ളില്‍ ഇദ്ദേഹം പിടിപ്പിച്ചിട്ടുണ്ട.
15 വര്‍ഷം മുമ്പാണ് ഇത്തരമൊരു ആശയം താന്‍ വികസിപ്പിച്ചെടുത്തതെന്ന് ഇദ്ദേഹം പറയുന്നു. തുണീഷ്യയില്‍ ജോലി ചെയ്യുന്ന സമയത്താണ് അവിടെ കണ്ട സമൃദ്ധമായ മരുപ്പച്ചകളില്‍ നിന്നും പ്രചോദനം ഉള്‍ക്കൊണ്ട് ഇത്തരമൊരു ആശയത്തിലേക്കെത്തിയത്. കൊവിഡ് വന്ന് മാസ്‌ക് ധരിക്കല്‍ നിര്‍ബന്ധമായതോടെ തന്റെ ആശയം ഇതിലേക്ക് മാറ്റുകയായിരുന്നു. ജനങ്ങളെ പരിസ്ഥിതിയോട് അടുപ്പിക്കാനും വായു, ശബ്ദ മലിനീകരണത്തിനെതിരേയുമാണ് തന്റെ പ്രചാരണമെന്നും അലെന്‍ വെര്‍ച്യുറേന്‍ പറയുന്നു.