ചാവക്കാട്: പാണക്കാട് ശിഹാബ് തങ്ങളെടുത്ത നിലപാടുകളാണ് കേരള സമൂഹത്തില്‍ വര്‍ഗീയ ചേരിതിരിവില്ലാതെ മുന്നോട്ട് നയിച്ചതെന്ന് ഉമ്മുല്‍ ഖുവൈന്‍ കെ.എം.സി.സി സംസ്ഥാന പ്രസിഡന്റ് അഷ്‌ക്കറലി തിരുവത്ര പറഞ്ഞു.
മുസിലിം ലീഗ് തിരുവത്ര മേഖല കമ്മിറ്റി നടത്തിയ പാണക്കാട് മുഹമ്മദലി ശിഹാബ് തങ്ങള്‍ അനുസ്മരണ പ്രഭാഷണം നടത്തുകയായിരുന്നു അദ്ദേഹം.
അവശത നിറഞ്ഞ സമൂഹത്തില്‍ കാരുണ്യത്തിന്റെ കൈത്താങ്ങായി പാണക്കാട് തങ്ങള്‍ കാണിച്ച മാതൃകയാണ് ഇന്ന് ഇന്ത്യയില്‍ തന്നെ അവശത അനുഭവിക്കുന്ന സമൂഹത്തില്‍ കെ.എം.സി.സി പോലുള്ള പ്രവാസി സംഘടനകള്‍ക്ക് ഉത്തേജനമായതെന്നും അദ്ദേഹം പറഞ്ഞു.
കെ.എം.സി.സി അബൂദബി പ്രസിഡന്റ് പി.കെ കരീം ഹാജി ഉദ്ഘാടനം ചെയ്തു. മേഖല പ്രസിഡന്റ് നൂര്‍മുഹമ്മദ് ഹാജി അധ്യക്ഷനായി.
ഹനീഫ് ചാവക്കാട്, ഷാഫി ചീനിചുവട്, അലിമോന്‍, താഴത്ത് കുഞ്ഞിമരക്കാര്‍, അസീസ് തിരുവത്ര എന്നിവര്‍ സംസാരിച്ചു.