വടക്കാഞ്ചേരി: മച്ചാട് രവിപുര മംഗലം ശ്രീകൃഷ്ണ ക്ഷേത്രത്തില്‍ ഏഴാമത് ഭാഗവത സപ്താഹ യജ്ഞത്തിന് തുടക്കം. നിരവധി ആത്മീയാചാര്യന്മാര്‍ പങ്കെടുത്ത ചടങ്ങില്‍ വച്ച് ശബരിമല ക്ഷേത്രം തന്ത്രി കണ്ഠരര് മഹേഷ് മോഹനര് ഭദ്രദീപം തെളിയിച്ചതോടെയാണ് ഈ മാസം 27 വരെ നീണ്ടു നില്‍ക്കുന്ന യജ്ഞം ആരംഭിച്ചത്.
തുടര്‍ന്ന് നടന്ന സമ്മേളനം തിരുവിതാംകൂര്‍ രാജകുടുംബാംഗം ഗൗരി പാര്‍വതി ഭായ് തമ്പുരാട്ടി ഉദ്ഘാടനം ചെയ്തു.
ക്ഷേത്ര ഉപദേശക സമിതി പ്രസിഡന്റ് കെ.ഹരിനാരായണന്‍ അധ്യക്ഷനായി. ഗുരുവായൂര്‍ ക്ഷേത്രം തന്ത്രി ചേന്നാസ് ദിനേശന്‍ നമ്പൂതിരിപ്പാട്, ശബരിമല മുന്‍ മേല്‍ശാന്തി ഏഴിക്കോട് കൃഷ്ണദാസ് നമ്പൂതിരി, ക്ഷേത്രം ഊരാളന്‍ അവണപറമ്പ് മഹേശ്വരന്‍ നമ്പൂതിരിപ്പാട്,
ക്ഷേത്രം തന്ത്രി പാലക്കാട്ടിരി ശങ്കരന്‍ നമ്പൂതിരി, വേദപണ്ഡിതന്‍ എടശ്ശേരികൃഷ്ണന്‍ നമ്പൂതിരി, ഭാഗവതാചാര്യന്‍ വിമല്‍ വിജയ്, ജ്യോതിഷ പണ്ഡിതന്‍ പ്രശാന്ത്.പി.മേനോന്‍ എന്നിവരെ ചടങ്ങില്‍ വച്ച് ആദരിച്ചു.
കെ.ആര്‍ ഹരിദാസ്, വി.രവീന്ദ്രന്‍, വി.എ ഷീജ, അയ്യപ്പദാസ്, വി.ഡി ശോഭന, എ.പി രാജേഷ്  പ്രസംഗിച്ചു. കെ.എസ് ദിനേശന്‍ സ്വാഗതവും, എം.ആര്‍ അനില്‍ കണ്ണന്‍ നന്ദിയും പറഞ്ഞു.