അടിമാലി: ഇടുക്കി അടിമാലിയില്‍ ഇടിമിന്നലേറ്റ് ദമ്പതികള്‍ മരിച്ചു. ചൂരക്കെട്ടന്‍കുടിയില്‍ സുബ്രഹ്മണ്യനും ഭാര്യ സുമതിയും ആണ് മരിച്ചത്. അടിമാലി പഞ്ചായത്ത് മുന്‍ അംഗം ബാബു ഉലകനും ഭാര്യക്കും മിന്നലേറ്റ് പരുക്കേറ്റു.

സംസ്ഥാനത്ത് വ്യാഴാഴ്ച വരെ ശക്തമായ മഴയ്ക്ക് സാധ്യതയെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പുണ്ടായിരുന്നു. ഇടിമിന്നലോട് കൂടിയ ശക്തമായ മഴയ്ക്കും കാറ്റിനും സാധ്യതയുണ്ടെന്നാണ് പ്രവചനം.

മുന്നറിയിപ്പിന്റെ അടിസ്ഥാനത്തില്‍ ബുധനാഴ്ച വയനാട്ടിലും, വ്യാഴാഴ്ച വയനാട്, പത്തനംതിട്ട എന്നീ ജില്ലകളിലും യെല്ലോ അലര്‍ട്ട് പ്രഖ്യാപിച്ചു. ഒറ്റപ്പെട്ടയിടങ്ങളില്‍ 24 മണിക്കൂറില്‍ 64.5 മുതല്‍ 115.5 മില്ലീമീറ്റര്‍ വരെ മഴ ലഭിക്കുമെന്നാണ് പ്രവചനം.