ബംഗളൂരു: ഹാളില്‍ ഹിജാബ് അനുവദിക്കാത്തതിനെ തുടര്‍ന്ന് കര്‍ണാടകയില്‍ വിദ്യാര്‍ഥിനികള്‍ പരീക്ഷ ബഹിഷ്‌കരിച്ചു. ഉഡുപ്പി വിദ്യോദയ പി.യു കോളജിലെ ആറു വിദ്യാര്‍ഥിനികളാണ് പൊതുപരീക്ഷ ബഹിഷ്‌കരിച്ചത്.

ക്ലാസ് മുറിയില്‍ ഹിജാബ് അനുവദിക്കണമെന്നാവശ്യപ്പെട്ട് ആദ്യമായി കോടതിയെ സമീപിച്ച രണ്ടു വിദ്യാര്‍ഥിനികളും ഇതില്‍ ഉള്‍പ്പെടും. ആറു പേരില്‍ രണ്ടു പേര്‍ മാത്രമാണ് ഹാള്‍ ടിക്കറ്റ് വാങ്ങിയത്.

ഹാള്‍ ടിക്കറ്റ് വാങ്ങിയ വിദ്യാര്‍ഥിനികള്‍ ഹിജാബ് ധരിച്ച് പരീക്ഷ എഴുതാന്‍ എത്തിയെങ്കിലും അധികൃതര്‍ അനുമതി നല്‍കിയില്ല.