ഗാന്ധിനഗര്‍: 2002 ലെ ഗുജറാത്ത് കലാപവുമായി ബന്ധപ്പെട്ട് ഡോക്യുമെന്ററി പുറത്തിറക്കിയ ബി.ബി.സിക്കെതിരെ ശക്തമായ നടപടിയെടുക്കണമെന്ന് ആവശ്യപ്പെട്ട് പ്രമേയം പാസാക്കി ഗുജറാത്ത് സര്‍ക്കാര്‍. ഡോക്യുമെന്റി മോദിക്കെതിരല്ല, രാജ്യത്തെ 135 കോടി ജനങ്ങള്‍ക്കെതിരാണെന്നും ഗുജറാത്ത് നിയമസഭയില്‍ പ്രമേയം അവതരിപ്പിച്ച് ആഭ്യന്തര മന്ത്രി ഹര്‍ഷ് സാംഘവി ആരോപിച്ചു.

' പ്രധാനമന്ത്രി മോദി തന്റെ ജീവിതം രാഷ്ട്രസേനത്തിനായി സമര്‍പ്പിച്ചയാളാണ്. രാജ്യത്തിന്റെ വളര്‍ച്ചയ്ക്കായി പ്രവര്‍ത്തിച്ചു. രാജ്യദ്രോഹ ശക്തികള്‍ക്ക് ശക്തമായ മറുപടി നല്‍കി. ഇന്ത്യയെ ആഗോള തലത്തില്‍ എത്തിക്കാന്‍ അദ്ദേഹം കഠിനമായി പരിശ്രമിച്ചു.- അദ്ദേഹം പറഞ്ഞു.

#WATCH | Gujarat Assembly today passed a resolution requesting the Centre to take strict action against the BBC for its documentary on the 2002 Godhra riots

"The documentary was not just against Modi but against 135 crore citizens of the country," said Gujarat Home Minister pic.twitter.com/IXCFJ7ocxC

— ANI (@ANI) March 10, 2023

കഴിഞ്ഞ ജനുവരിയിലാണ് ' ഇന്ത്യ: ദ മോദി ക്വസ്റ്റിയന്‍' എന്ന പേരില്‍ ബി.ബി.സി ഡോക്യുമെന്ററി പുറത്തിറക്കിയത്. 2002 ഗുജറാത്ത് കൂട്ടക്കൊലയില്‍ അന്ന് മുഖ്യമന്ത്രിയായിരുന്ന മോദിക്കും പങ്കുണ്ടെന്ന് ഡോക്യുമെന്ററിയില്‍ ചൂണ്ടിക്കാട്ടുന്നുണ്ട്.

ഡോക്യുമെന്ററി പ്രത്യേക അജണ്ട മുന്‍നിര്‍ത്തിയുള്ളതാണെന്നായിരുന്നു കേന്ദ്ര വിദേശകാര്യ മന്ത്രാലയത്തിന്റെ പരാമര്‍ശം.