ഡല്‍ഹി: ഡല്‍ഹി യൂനിവേഴ്‌സിറ്റി കാന്റിനിലെ സമൂസയില്‍ ചത്ത ഉറുമ്പുകളെ കണ്ടെത്തി . യൂനിവേഴ്‌സിറ്റിയിലെ ധ്യാല്‍ സിങ് കാന്റീനില്‍ നിന്നു വാങ്ങിയ സമൂസയിലായിരുന്നു ചത്ത ഉറുമ്പുകളെ കണ്ടെത്തിയത്. വിദ്യാര്‍ഥികളുടെ ഇന്‍സ്റ്റഗ്രാം ഗ്രൂപ്പില്‍ സമൂസ ലഭിച്ചയാള്‍ ഇത് വിഡിയോ എടുത്ത് പോസ്റ്റ് ചെയ്യുകയും കാന്റീനെതിരേ നടപടിയെടുക്കണമെന്നും ആരും സമൂസ വാങ്ങരുതെന്നും അടിക്കുറിപ്പും നല്‍കി.

സംഭവം വൈറലായതോടെ ആളുകളില്‍ നിന്നു പ്രതീക്ഷിച്ച പ്രതികരണമായിരുന്നില്ല. ഉറുമ്പ് പ്രത്യേകം മസാലയാണെന്നും ഉറുമ്പ് ഫ്‌ളേവര്‍ സമൂസയാണെന്നും ഇത് കഴിച്ചെന്നും അടിപൊളി രുചിയാണെന്നും പറഞ്ഞ് ആളുകള്‍ രംഗത്തു വന്നു. 
ലക്ഷക്കണക്കിനാളുകളാണ് ഇതിനോടകം ഉറുമ്പ് സമൂസയുടെ വിഡിയോ കണ്ടത്. ഈ കാര്യത്തില്‍ നടപടിയെടുക്കുമെന്ന് യൂനിവേഴ്‌സിറ്റി വൃത്തങ്ങള്‍ പറഞ്ഞു.