തിരുവനന്തപുരം: ഹൈക്കോടതി നിര്‍ദേശത്തിന്റെ അടിസ്ഥാനത്തില്‍ കെ.എസ്.ആര്‍.ടി.സി ജന്റം ലോഫ്‌ലോര്‍ എസി ബസുകള്‍ പൊളിക്കാന്‍ തീരുമാനിച്ചു. തേവരയിലെ 28 ബസുകളില്‍ 10 എണ്ണമാണ് സ്‌ക്രാപ്പ് ചെയ്യുന്നത്. ഇതാദ്യമായാണ് ലോഫ്‌ലോര്‍ ബസുകള്‍ പൊളിക്കുന്നത്. അറ്റകുറ്റപ്പണികള്‍ക്ക് വരുന്ന വര്‍ദ്ധിച്ച ചെലവും പതിനൊന്ന് വര്‍ഷത്തിലധികമുള്ള കാലപ്പഴക്കവും മൂലമാണ് ബസുകള്‍ സ്‌ക്രാപ്പ് ചെയ്യുന്നത്.

നന്നാക്കി ഉപയോഗിക്കാന്‍ കഴിയാത്തവിധം കാലപ്പഴക്കമുള്ള 920 ബസുകള്‍ പൊളിച്ചുവില്‍ക്കാനുണ്ടെന്ന് കെ.എസ്.ആര്‍.ടി.സി ഹൈക്കോടതിയില്‍ നല്‍കിയ സത്യവാങ്മൂലത്തില്‍ പറഞ്ഞിരുന്നു. ഇതില്‍ 681 എണ്ണം സാധാരണ ബസുകളും 239 എണ്ണം ജന്റം ബസുകളുമാണ്.