കൊല്ലം: ആര്‍.എസ്.പിയെ എല്‍.ഡി.എഫിലേക്ക് ക്ഷണിച്ച കോവൂര്‍ കുഞ്ഞുമോനെ പരിഹസിച്ച് ഷിബു ബേബി ജോണ്‍. വരാന്തയില്‍ നില്‍ക്കുന്ന കുഞ്ഞുമോന്‍ ആദ്യം ഒന്ന് അകത്ത് കയറ് എന്നിട്ടാവാം മറ്റുള്ളവരെ സ്വാഗതം ചെയ്യുന്നതെന്ന് ഷിബു ബേബി ജോണ്‍ ഫേസ്ബുക്കില്‍ കുറിച്ചു.

തെരഞ്ഞെടുപ്പില്‍ കനത്ത തോല്‍വി ഏറ്റുവാങ്ങിയതിനു പിന്നാലെ ഷിബു ബേബി ജോണ്‍ കഴിഞ്ഞ ദിവസം പാര്‍ട്ടിയില്‍ നിന്നും അവധിയെടുത്തിരുന്നു. ഇതിനു പിന്നാലെയാണ് കോവൂര്‍ കുഞ്ഞുമോന്‍ അദ്ദേഹത്തെ എല്‍ഡിഎഫിലേക്ക് സ്വാഗതം ചെയ്തിരുന്നത്.

ഷിബു ബേബി ജോണിന്റെ ഫേസ്ബുക്ക് പോസ്റ്റിന്റെ പൂര്‍ണരൂപം:

ആര്‍.എസ്.പിയെ കോവൂര്‍ കുഞ്ഞുമോന്‍ എല്‍ഡിഎഫിലേക്ക് സ്വാഗതം ചെയ്തതായി വാര്‍ത്ത കണ്ടു. ഇപ്പോഴും വരാന്തയില്‍ തന്നെയല്ലേ നില്‍ക്കുന്നത്. കുഞ്ഞുമോന്‍ ആദ്യമൊന്ന് അകത്ത് കേറ്. എന്നിട്ടാവാം മറ്റുള്ളവരെ സ്വാഗതം ചെയ്യുന്നത്.