തിരുവനന്തപുരം: മുന്‍ പ്രതിപക്ഷത്തെ വിമര്‍ശിക്കുകയും വി.ഡി സതീശനെ പുകഴ്ത്തുകയും ചെയ്ത് കെ.കെ.ശൈലജ നിയമസഭയില്‍. സതീശന്റെ ക്രിയാത്മക നിര്‍ദേശങ്ങളെ കോണ്‍ഗ്രസ് പിന്തുണച്ചില്ലെന്നും കെ.കെ.ശൈലജ പറഞ്ഞു.

പ്രളയം വന്നപ്പോള്‍ സംഭാവന കൊടുക്കരുത് എന്നുവരെ മുന്‍ പ്രതിപക്ഷം പറഞ്ഞു. പ്രതിപക്ഷം കേരളത്തിലെ യശസ്സ് തകര്‍ക്കാന്‍ ശ്രമിച്ചെന്നും അവര്‍ കുറ്റപ്പെടുത്തി. ക്രിയാത്മക പ്രതിപക്ഷത്തിന്റെ നേതാവാകാന്‍ വി.ഡി.സതീശന് കഴിയട്ടേയെന്നും അവര്‍ കൂട്ടിച്ചേര്‍ത്തു.