മുംബൈ: ലക്ഷദ്വീപ് നിവാസികള്‍ക്ക് പിന്തുണയുമായി ശിവസേന. ലക്ഷദ്വീപില്‍ ബീഫ് നിരോധിക്കുകയും ബി.ജെ.പി ഭരിക്കുന്ന ഗോവയില്‍ ബീഫ് നിരോധിക്കാതിരിക്കുകയും ചെയ്യുന്നത് എന്തുകൊണ്ടാണെന്ന് ശിവസേന നേതാവ് സഞ്ജയ് റാവത്ത് ചോദിച്ചു.
ലക്ഷദ്വീപിന്റെ വികസനത്തിന് ആരും എതിരല്ല. പക്ഷേ, ദ്വീപ് നിവാസികളെ വിശ്വാസത്തിലെടുത്ത് വേണം തീരുമാനങ്ങളെടുക്കാന്‍. നിയമങ്ങളും ചട്ടങ്ങളും എല്ലാവര്‍ക്കും ഒരേപോലെയുള്ളതാകണം. ലക്ഷദ്വീപില്‍ ബീഫ് നിരോധിച്ചിരിക്കുകയാണ്. എന്നാല്‍, കേരളത്തില്‍ നിരോധനമില്ല. വടക്കു-കിഴക്കന്‍ സംസ്ഥാനങ്ങളില്‍ നിരോധനമില്ല. ലക്ഷദ്വീപില്‍ മാത്രം നിരോധനം വരുമ്പോള്‍ ജനങ്ങള്‍ക്ക് ഒരുപാട് സംശയങ്ങള്‍ ഉയരുമെന്നും സഞ്ജയ് റാവത്ത് പറഞ്ഞു.