പുല്‍പ്പള്ളി: പശുവിനെ പുലികടിച്ചു കൊന്നു. ചേകാടി കട്ടക്കണ്ടി കോളനിയിലെ അയ്യപ്പന്റെ പശുവിനെയാണ് പുലി കൊന്നത്. കഴിഞ്ഞ ദിവസമാണ് സംഭവം.
വീടിനുസമീപം മേയുകയായിരുന്ന പശുവിനെ പാതിരി സൗത്ത് വനത്തില്‍ നിന്ന് വന്ന പുലി കടിച്ചുകൊണ്ടുപോകുകയായിരുന്നു. വനത്തിനു സമീപം മൃതദേഹം ഉപേക്ഷിച്ചു. വനപാലകര്‍ സ്ഥലത്തെത്തി തുടര്‍ നടപടികള്‍ സ്വീകരിച്ചു. ചേകാടി മേഖലയില്‍ വന്യമൃഗശല്യം രൂക്ഷമാണ്. ഇതിനു മുന്‍പും സമാന സംഭവങ്ങളുണ്ടായിട്ടുണ്ടെന്ന് നാട്ടുകാര്‍ പരാതിപ്പെട്ടു.