ദുബായ്: ദുബായിലെ ഉം റമൂൽ മേഖലയിൽ തീപിടിത്തം. ശുചീകരണ സാമഗ്രികളുടെ ഗോഡൗണിൽ വെള്ളിയാഴ്ച വൈകീട്ടോടെയാണ് തീപിടിത്തമുണ്ടായത്. വൈകീട്ട് നാലരയോടെയാണ് അപകടമുണ്ടായത്. ഉടൻ തന്നെ ദുബായ് സിവിൽ ഡിഫൻസ് ഓപ്പറേഷൻ അധികൃതർ എത്തുകയും തീ നിയന്ത്രണവിധേയമാക്കുകയും ചെയ്തു. ആളപായമില്ല.

വൈകുന്നേരം 4.28 ന് ദുബായ് സിവിൽ ഡിഫൻസ് ഓപ്പറേഷൻ സെന്ററിൽ തീ പിടിച്ച വിവരം അറിയുകയും അൽ റാഷിദിയ ഫയർ സ്റ്റേഷനിൽ നിന്നുള്ള ആദ്യ ടീം 5 മിനിറ്റിനുള്ളിൽ സംഭവസ്ഥലത്തെത്തുകയും ചെയ്തു. പോർട്ട് സയീദ് സ്റ്റേഷൻ, അൽ കരാമ സ്റ്റേഷൻ, അൽ ഖുസൈസ് സ്റ്റേഷൻ എന്നിവിടങ്ങളിൽ നിന്നുള്ള ഫയർ ടീമും വൈകാതെ ബാക്കപ്പിനായി എത്തി.

വൈകുന്നേരം 5.04 ന് തീ നിയന്ത്രണ വിധേയമാണെന്നും ആളപായമൊന്നും റിപ്പോർട്ട് ചെയ്തിട്ടില്ലെന്നും ഫീൽഡ് കമാൻഡർ സ്ഥിരീകരിച്ചു. ദുബായിലെ ഉം റമൂൽ ഏരിയയിലെ തീപിടിത്തം ഒരു മണിക്കൂറിനുള്ളിൽ നിയന്ത്രണ വിധേയമാക്കിയതായി അധികൃതർ അറിയിച്ചു.

പ്രദേശത്ത് നിന്ന് കറുത്ത പുക ഉയരുന്ന ദൃശ്യങ്ങൾ സമൂഹമാധ്യമങ്ങളിൽ നിരവധിപ്പേർ പങ്കുവെച്ചു. ദുബായ് ഫെസ്റ്റിവൽ സിറ്റിയിലേക്കും അൽ ഗാർഹൂദ് റോഡ് വഴി അൽ റാഷിദിയ, ഷാർജ എന്നിവിടങ്ങളിലേക്കും വാഹനങ്ങൾ പോകുന്നവരും ദൂരെ സൈറ്റിൽ നിന്ന് പുക ഉയരുന്നതായി ട്വിറ്ററിൽ പോസ്റ്റ് ചെയ്ത വീഡിയോകൾ കാണിക്കുന്നു.

കൂടുതല്‍ ഗള്‍ഫ് വാര്‍ത്തകള്‍ ലഭിക്കാന്‍ സുപ്രഭാതം വാട്‌സാപ്പ് കമ്യൂണിറ്റിയില്‍ ജോയിന്‍ ചെയ്യുക: https://chat.whatsapp.com/HVpI8bKnwZA7O8fvza77sv