തിരുവനന്തപുരം: കിഴക്കേക്കോട്ടയില്‍ കടകള്‍ക്ക് തീപിടിച്ചു. നാല് കടകള്‍ കത്തിനശിച്ചു. ബസ് വെയ്റ്റിങ് ഷെഡിനോടു ചേര്‍ന്നുള്ള കകടകളിലാണ് തീപിടിത്തമുണ്ടായത്. ഹോട്ടലിലെ ഗ്യാസ് സിലിണ്ടര്‍ പൊട്ടിത്തെറിച്ചാണ് അപകടമുണ്ടായതെന്നാണ് പ്രാഥമിക നിഗമനം. ആളുകളെ ഒഴിപ്പിച്ചു. സംഭവത്തില്‍ ആളപായമില്ല.

അഗ്നിരക്ഷാസേനയെത്തി തീയണക്കാനുള്ള ശ്രമങ്ങള്‍ തുടരുന്നു. തീപിടിത്തം നിയന്ത്രണവിധേയമായതാണ് റിപ്പോര്‍ട്ട്. തീപിടിത്തമുണ്ടായ ഉടനെ മറ്റ് കടകളിലെ സാധനങ്ങള്‍ മാറ്റിയതിനാല്‍ പൂര്‍ണമായി കത്തിയില്ല.