കോഴിക്കോട്: ഖമീസ് മുശൈത് കെ.എം.സി.സി സെന്‍ട്രല്‍ കമ്മിറ്റിയുടെ സ്‌നേഹ സ്പര്‍ശം പദ്ധതിയുടെ ഭാഗമായി കിഡ്‌നി, കാന്‍സര്‍ രോഗികളായവര്‍ക്കുള്ള 30 ലക്ഷം രൂപയുടെ ധനസഹായ വിതരണം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്തു. റിലീഫ് കമ്മിറ്റി ചെയര്‍മാന്‍ മാതാപുഴ മുഹമ്മദ് കുട്ടി അധ്യക്ഷനായി. പി.കെ കുഞ്ഞാലിക്കുട്ടി, കെ.പി.എ മജീദ്, ഇ.ടി മുഹമ്മദ് ബഷീര്‍, പി.വി അബ്ദുല്‍ വഹാബ് എം.പി, പി. അബ്ദുല്‍ ഹമീദ് എം.എല്‍.എ, പി. ഉബൈദുല്ല എം.എല്‍.എ, പി.കെ.കെ ബാവ, എം.സി മായിന്‍ ഹാജി, ടി.പി.എം സാഹിര്‍, ഉമര്‍ പാണ്ടികശാല, അഹ്മദ്കുട്ടി ഉണ്ണികുളം, കെ.പി മുഹമ്മദ് കുട്ടി, പി.വി മുഹമ്മദ് അരീക്കോട്, കെ. മൊയ്തീന്‍ കോയ, ബിച്ചു കുറ്റിച്ചിറ, ബഷീര്‍ മലപ്പുറം തുടങ്ങിയവര്‍ പ്രസംഗിച്ചു.