തുറവൂര്‍: നാലര കിലോ കഞ്ചാവുമായി മൂന്നംഗ സംഘം പിടിയില്‍. തമിഴ്‌നാട് കമ്പം മാരിയമ്മന്‍ കോവില്‍ തെരുവില്‍ പ്രഭാകരന്‍ (22), അര്‍ശമ്മ തെരുവില്‍ പ്രകാശ് (32), മാരിയമ്മന്‍ കോവില്‍ കുമാര്‍ (34), എന്നിവരെയാണ് കുത്തിയതോട് സി.ഐ: കെ. സജീവന്റെ നേതൃത്വത്തിലുള്ള സംഘം പിടികൂടിയത്.
തമിഴ്‌നാട്ടില്‍ നിന്ന് പഴവര്‍ഗങ്ങള്‍ കയറ്റിവന്ന പിക്കപ്പ് വാനില്‍ കഞ്ചാവുമായി വരുമ്പോള്‍ അരൂര്‍ ബൈപ്പാസ് ഭാഗത്തുനിന്നാണ് ഇവര്‍ പിടിയിലായത്.
അടുത്തിടെ കഞ്ചാവ് കേസില്‍ പിടികൂടിയവരെ ചോദ്യം ചെയ്തതില്‍ നിന്ന് ലഭിച്ച വിവരത്തിന്റെ അടിസ്ഥാനത്തിലാണ് പൊലിസ് മേഖലയില്‍ നിരീക്ഷണം ശക്തമാക്കിയത്. ഇവരെ ഇന്ന് കോടതിയില്‍ ഹാജരാക്കും.