പുതുച്ചേരി: കേന്ദ്രഭരണ പ്രദേശമായ പുതുച്ചേരി ശുചീകരണം സംബന്ധിച്ച് ബന്ധപ്പെട്ടവര്‍ സഹകരിച്ചില്ലെങ്കില്‍ രാജി വെച്ച് തിരിച്ചുപോകുമെന്ന് പുതുച്ചേരി ലഫ്. ഗവര്‍ണര്‍ കിരണ്‍ ബേദി.

'ഞാന്‍ ഇവിടെ ഒരു ജോലിയിലല്ല പക്ഷേ ഒരു ദൗത്യത്തിലാണ്.ആ ദൗത്യം പൂര്‍ത്തീകരിക്കാന്‍ കഴിഞ്ഞില്ലെങ്കില്‍ ഞാന്‍ തിരിച്ചു പോകും' കിരണ്‍ ബേദി പറഞ്ഞു.

റോഡ് സുരക്ഷയുമായി ബന്ധപ്പെട്ട് ജിപ്‌മെറില്‍ നടന്ന ചടങ്ങില്‍ സംസാരിക്കുകയായിരുന്നു കിരണ്‍ ബേദി.

ശുചീകരണ യഞ്ജവുമായി ബന്ധപ്പെട്ട് 20 ലധികം സ്ഥലങ്ങള്‍ സന്ദര്‍ശിച്ചു. എന്നാല്‍ വളരെ കുറച്ച് പേരാണ് എന്നോട് സഹകരിച്ചത്. പല ഉദ്യോഗസ്ഥരും പ്രതിനിധികളും തന്നോട് സഹകരിക്കാന്‍ തയ്യാറായില്ലെന്നും അവര്‍ പറഞ്ഞു.

ലഫ്റ്റനന്റ് ഗവര്‍ണറായ തനിക്ക് പുതുച്ചേരി ഒറ്റയ്ക്ക് ശുചിയാക്കാന്‍ സാധിക്കില്ല. ജനങ്ങളും മറ്റ് ഉദ്യോഗസ്ഥരും സഹകരിച്ചാല്‍ മാത്രമേ അത് പൂര്‍ത്തിയാക്കാന്‍ സാധിക്കുകയുള്ളുവെന്നും ബേദി കൂട്ടിച്ചേര്‍ത്തു.