കൊച്ചി: കായംകുളത്തിനു സമീപം നേത്രാവതി എക്‌സപ്രസ്സിലെ ശുചിമുറിയില്‍ സ്വയം തീകൊളുത്തിയ യുവാവ് മരിച്ചു. തമിഴ്‌നാട് സ്വദേശിയായ എസ്. നിവാസ് (24) ആണ് മരണപ്പെട്ടത്. എറണാകുളം മെഡിക്കല്‍ സെന്ററില്‍ ഉച്ചയോടെയാണ് മരണം സംഭവിച്ചത്. തമിഴ്‌നാടിലെ വെല്ലൂര്‍ രാജാഗണപതി നഗറില്‍ ശ്രീനിവാസന്റെ മകനാണ് മരണപ്പെട്ട നിവാസ്.

കഴിഞ്ഞ 16ന് നേത്രാവതി എക്‌സ്പ്രസ്സിലെ ശുചിമുറിയില്‍ സ്വയം തീകൊളുത്തിയ നിവാസിന്റെ നില അതീവഗുരുതരമായി തുടരുകയായിരുന്നു. 60 ശതമാനം പൊള്ളലേറ്റ നിവാസിനെ ആദ്യം കായംകുളം താലൂക്ക് ആശുപത്രിയിലും തുടര്‍ന്നു ആലപ്പുഴ മെഡിക്കല്‍ കോളജിലും പ്രവേശിപ്പിച്ച ശേഷമാണ് മെഡിക്കല്‍ സെന്ററിലെത്തിച്ചത്.