ന്യൂഡല്‍ഹി: റെയില്‍വ്വേയുടെ വികസന പ്രവര്‍ത്തനങ്ങളില്‍ നിക്ഷേപം വര്‍ധിപ്പിക്കാന്‍ സര്‍ക്കാര്‍ പദ്ധതി. റെയില്‍വ്വേ ആധുനീകരണത്തിനും അടിസ്ഥാന സൗകര്യ വികസനത്തിനും വേണ്ടി 30,000 കോടി രൂപയുടെ ഫണ്ട് കണ്ടെത്താനാണ് റെയില്‍വ്വേ പദ്ധതിയിടുന്നത്.

ഇതിനായി റെയില്‍വ്വേയ്‌സ് ഓഫ് ഇന്ത്യ ഡെവലപ്‌മെന്റ് ഫണ്ട് (ആര്‍.ഐ.ഡി.എഫ്) എന്ന പ്രത്യേക പദ്ധതി രൂപീകരിച്ചിട്ടുണ്ട്. ലോക ബാങ്ക്, ദേശീയ അടിസ്ഥാനവികസന നിക്ഷേപ ഫണ്ട്, പെന്‍ഷന്‍ ആന്റ് ഇന്‍ഷുറന്‍സ് ഫണ്ട് തുടങ്ങിയ ധനസ്ഥാപനങ്ങളില്‍ നിന്ന് ആര്‍.ഐ.ഡി.എഫിലേക്ക് നിക്ഷേപിക്കുമെന്നാണ് പ്രതീക്ഷ. മികച്ച റിട്ടേണ്‍ ലഭിക്കുന്ന മേഖലയിലേക്കാണ് ഈ ഫണ്ട് സ്വരൂപണമെന്നതും നിക്ഷേപ സാധ്യത വര്‍ധിപ്പിക്കുന്നുണ്ട്.