ദുബായ്: യുഎഇയുടെ വിവിധ ഭാഗങ്ങൾ മഞ്ഞിൽ കുളിച്ച് നിന്നത് മണിക്കൂറുകൾ. ഏകദേശം ഒമ്പത് മണിക്കൂറോളം സമയമാണ് വിവിധ ഇടങ്ങളിൽ മൂടൽമഞ്ഞ് ശക്തമായത്. ഞായറാഴ്ച രാത്രി 11:00 മുതൽ തിങ്കളാഴ്ച രാവിലെ 8:00 വരെയാണ് മൂടൽമഞ്ഞ് നിറഞ്ഞു നിന്നത്. വരും ദിവസങ്ങളിലും വിവിധ ഇടങ്ങളിൽ മൂടൽമഞ്ഞ് തുടരും.

അബുദാബിയിലെ അബു അൽ അബ്യാദ് ദ്വീപ്, അൽ ദഫ്ര മേഖലയിലെ അൽ റുവൈസ്, ട്രീഫ്, അൽ ഗുവൈഫത്ത്, ഉമ്മുൽ ഖുവൈനിലെ അൽ റഅഫ, റാസൽഖൈമയിലെ അൽ മർജാൻ ദ്വീപ് എന്നിവിടങ്ങളിൽ മൂടൽമഞ്ഞ് രൂപപ്പെടാൻ തുടങ്ങിയിട്ടുണ്ട്

നാഷണൽ സെന്റർ ഓഫ് മെറ്റീരിയോളജി (NCM) യുടെ കണക്കനുസരിച്ച് ചൊവ്വാഴ്ച ഭാഗികമായി തെളിഞ്ഞ അന്തരീക്ഷവും മേഘാവൃതമായ അന്തരീക്ഷവും ഉണ്ടാകും. ചില സമയത്ത് താപനില ഉയരാനും സാധ്യതയുണ്ട്.

ചൊവ്വാഴ്ച, തെക്ക് കിഴക്ക് മുതൽ വടക്കുകിഴക്ക് വരെ നേരിയ കാറ്റ് വീശുമെന്നും ചില സമയങ്ങളിൽ മണിക്കൂറിൽ 10 മുതൽ 25 വരെ വേഗതയിലും 35 കിലോമീറ്റർ വരെ വേഗതയിലും കാറ്റടിക്കാനും സാധ്യതയുണ്ട്. അറബിക്കടലിലും ഒമാൻ കടലിലും സാധാരണഗതിയിലുള്ള തിരമാലകളുണ്ടാകുമെന്നും എൻസിഎം അറിയിച്ചു.

ബുധനാഴ്ചയും കാലാവസ്ഥ പൊതുവെ തെളിഞ്ഞതോ ചിലപ്പോൾ ഭാഗികമായി മേഘാവൃതമോ ആയിരിക്കുമെന്ന് പ്രതീക്ഷിക്കുന്നു. തെക്കുകിഴക്ക് മുതൽ വടക്ക് പടിഞ്ഞാറ് വരെ നേരിയ കാറ്റ് വീശും, പകൽ സമയത്ത് 10 മുതൽ 25 വരെ വേഗതയിലും കാറ്റടിക്കും. പൊടിക്കാറ്റിനും സാധ്യതയുണ്ട്.

വ്യാഴം, വെള്ളി ദിവസങ്ങളിൽ പൊതുവെ തെളിഞ്ഞ കാലാവസ്ഥയും ഉച്ചതിരിഞ്ഞ് കിഴക്ക് ഭാഗികമായി മേഘാവൃതവുമായിരിക്കുമെന്നും നാഷണൽ സെന്റർ ഓഫ് മെറ്റീരിയോളജി വിഭാഗം അറിയിച്ചു.