കളമശേരി: നഗരസഭയുടെ ആഭിമുഖ്യത്തില്‍ ഉയര്‍ന്ന വിജയം നേടിയ വിദ്യാര്‍ഥികള്‍ക്ക് അവാര്‍ഡ് ദാനവും എല്ലാവര്‍ക്കും ഭവനം' എന്ന  പി.എം.എ.വൈ പദ്ധതിയുടെ സര്‍വേ ഉദ്ഘാടനവും  കങ്ങരപ്പടി ടൗണ്‍ ഹാളില്‍ നടന്നു. വി.കെ ഇബ്രാഹിംകുഞ്ഞ് എം.എല്‍.എ ചടങ്ങ് ഉദ്ഘാടനം ചെയ്തു.
കളമശേരി നഗരസഭ ചെയര്‍പേഴ്‌സണ്‍ ജെസി പീറ്റര്‍ അധ്യക്ഷത വഹിച്ചു. ഉന്നത വിജയം നേടിയ വിദ്യാര്‍ഥികള്‍ക്ക്  വിദ്യാഭ്യാസ അവാര്‍ഡ് വിതരണം കുസാറ്റ് വൈസ്  ചാന്‍സിലര്‍ ഡോ.ജെ ലത നിര്‍വഹിച്ചു.
നഗരസഭ വൈസ് ചെയര്‍മാന്‍ ടി.എസ് അബൂബക്കര്‍, സ്റ്റാന്‍ഡിങ് കമ്മറ്റി  അധ്യക്ഷമരായ സബീന ജബ്ബാര്‍, റുഖിയ ജമാല്‍, ഷാജഹാന്‍ കടപ്പിള്ളി, വീമോള്‍, കൗണ്‍സിലര്‍മാരായ ഹെന്നി ബേബി, ലീല വിശ്വന്‍, എ.പി ഇബ്രാഹിം  തുടങ്ങിയവര്‍ സംസാരിച്ചു.