കോതമംഗലം: എസ്.കെ.എസ്.എസ്.എഫ് സന്നദ്ധവിഭാഗമായ വിഖായയുടെ എറണാകുളം ജില്ലയിലെ അംഗങ്ങള്‍ക്കുള്ള ആദ്യഘട്ട പരിശീലനം പൂര്‍ത്തിയായി. കോതമംഗലം പല്ലാരിമംഗലം കൂവള്ളൂര്‍ പി.എം.എസ്.എ പൂക്കോയ തങ്ങള്‍ മെമ്മോറിയല്‍ യു.പി സ്‌കൂള്‍ ഓഡിറ്റോറിയത്തിലും പുഴയോരത്തുമായി നടന്ന ക്യാംപില്‍ ജില്ലയില്‍ നിന്ന് തെരഞ്ഞെടുക്കപ്പെട്ട നൂറ് വിഖായ അംഗങ്ങളാണ് പങ്കെടുത്തത്.
രാവിലെ ഇബ്രാഹിം കവലയില്‍ പതാക ഉയര്‍ത്തി ക്യാംപിന് തുടക്കം കുറിച്ചു. എസ്.കെ.എസ്.എസ്.എഫ് ജില്ലാ ജനറല്‍ സെക്രട്ടറി പി.എം ഫൈസല്‍ ക്യാംപ് ഉദ്ഘാടനം ചെയ്തു. വിഖായ ജില്ലാ ചെയര്‍മാന്‍ നിയാസ് മുണ്ടംപാലം അധ്യക്ഷത വഹിച്ചു. കോതമംഗലം മേഖലാ പ്രസിഡന്റ് അബ്ദുള്‍ മജീദ് ഫൈസി പ്രാര്‍ത്ഥന നടത്തി. എസ്.കെ.എസ്.എസ്.എഫ് സംസ്ഥാന വര്‍ക്കിങ് സെക്രട്ടറി റഷീദ് ഫൈസി വെള്ളായിക്കോട്, ജില്ലാ പ്രസിഡന്റ് സയ്യിദ് ഷെഫീഖ് തങ്ങള്‍, കോഴിക്കോട് മിംസിലെ വിനു വര്‍ഗീസ്, മുഹമ്മദ് മീരാന്‍ ദാരിമി, വിഖായ സംസ്ഥാന കണ്‍വീനര്‍ സലാം ഫറോക്ക് തുടങ്ങിയവര്‍ വിവിധ സെഷനുകള്‍ക്ക് നേതൃത്വം നല്‍കി. സമാപന സമ്മേളനം എസ്.കെ.എസ്.എസ്.എഫ് സംസ്ഥന വൈസ് പ്രസിഡന്റ് ഓണമ്പിള്ളി മുഹമ്മദ് ഫൈസി ഉദ്ഘാടനം ചെയ്തു.
സേവന സന്നദ്ധ പ്രവര്‍ത്തനങ്ങളില്‍ എസ്.കെ.എസ്.എസ്.എഫ് വിഖായ അംഗങ്ങള്‍ കാണിക്കുന്ന അര്‍പ്പണ ബോധവും ആത്മാര്‍ത്ഥതയും ഇതിനകം പൊതുസമൂഹത്തിന് ബോധ്യപ്പെട്ടിട്ടുണ്ടെന്നും മികച്ച പാരമ്പര്യവും ഇസ്‌ലാമിക പൈതൃകവുമുള്ള സമസ്തയുടെ കീഴില്‍ വിഖായയ്ക്ക് മികച്ച ഭാവിയുണ്ടെന്നും ഓണമ്പിള്ളി പറഞ്ഞു. ആതുര സേവന പ്രവര്‍ത്തന രംഗത്ത് നൂതന സംവിധാനങഅങളോടെ മികച്ച പ്രവര്‍ത്തനം കാഴ്ചവെക്കാന്‍ വിഖായ പ്രവര്‍ത്തകരുടെ പരിശീലന പരിപാടികള്‍ സഹായകമാണെന്നും സഹചാരിയ സെന്റര്‍ അതിനൊരു നിമിത്തമാകുമെന്നും അദ്ദേഹം പറഞ്ഞു.
എസ്.കെ.എസ്.എസ്.എഫ് സംസ്ഥാന സെക്രട്ടറിയേറ്റ് മെമ്പര്‍ നൗഫല്‍ കുട്ടമശ്ശേരി, ഉമര്‍ ദാരിമി, സൈനുദ്ദീന്‍ വാഫി, മൈതീന്‍ ഈട്ടിപ്പാറ, സിദ്ദീഖ് കുഴിവേലിപ്പടി, സദ്ദീഖ് ചിറപ്പാട്ട്, അഡ്വ. സിറാജ്, പി.എം അലി, കെ.ബി മുഹമ്മദ് ബഷീര്‍, കെ.എം അബ്ദുള്‍ കെരീം, കെ.എം ജമാല്‍, കെരീം ദാരിമി തുടങ്ങിയവര്‍ പ്രസംഗിച്ചു. വിഖായ ജില്ലാ കണ്‍വീനര്‍ ഹബീബ് ഈട്ടിപ്പാറ സ്വാഗതവും എസ്.കെ.എസ്.എസ്.എഫ് ജില്ലാ ട്രഷറര്‍ മുഹമ്മദ് റാഫി നന്ദിയും പറഞ്ഞു.