തിരുവനന്തപുരം: തനിക്കെതിരായ പീഡനക്കേസ് കെട്ടിച്ചമച്ചതാണെന്ന് ജനപക്ഷ നേതാവ് പി.സി ജോര്‍ജ്. പിണറായിക്കു പിന്നില്‍ റിയല്‍ എസ്റ്റേറ്റ് മാഫിയാ തലവന്‍ ഫാരിസ് അബൂബക്കറാണ്. ഫാരിസ് അബൂബക്കര്‍ അമേരിക്കയില്‍ നടത്തിയ ഇടപാടുകളില്‍ മുഖ്യമന്ത്രിക്ക് പങ്കുണ്ട്.

ഫാരിസിന്റെ നിക്ഷേപങ്ങളില്‍ പിണറായി വിജയന് പങ്കുണ്ടെന്നും ആരോപിച്ച പി സി ജോര്‍ജ്, മുഖ്യമന്ത്രിയുടെ അമേരിക്കന്‍ ബന്ധം വിശദമായി അന്വേഷിക്കണമെന്നും ആവശ്യപ്പെട്ടു.

വീണയുടെ കമ്പനിയുടെ സാമ്പത്തിക സ്രോതസും എക്‌സാലോജിക്കിന്റെ ഇടപാടുകള്‍ അന്വേഷിക്കണം. ഏറ്റവും വലിയ അഴിമതിക്കാരനാണ് പിണറായി. മുഖ്യമന്ത്രിയുടെ ഇടക്കിടക്കുള്ള അമേരിക്കന്‍ യാത്രയും പരിശോധിക്കണമെന്ന് പി.സി ജോര്‍ജ് പറഞ്ഞു.