തൃപ്രയാര്‍: നാട്ടിക ഗവണ്‍മെന്റ് ഫിഷറീസ് ഹയര്‍ സെക്കന്‍ഡി സ്‌കൂളില്‍ ബാക്ക് യാര്‍ഡ് സ്‌കൂള്‍ പൗള്‍ട്രി ക്ലബിന്റെ പ്രവര്‍ത്തനത്തിന് തുടക്കമായി.
വിദ്യാര്‍ഥികളില്‍ മൃഗപരിപാലനവും പോഷകാഹാര ലഭ്യതയും ഉറപ്പ് വരുത്തുന്ന പദ്ധതി നാട്ടിക ഗ്രാമപഞ്ചായത്തും മൃഗസംരക്ഷണ വകുപ്പുമാണ് നടപ്പിലാക്കുന്നത്. തളിക്കുളം ബ്ലോക്ക് പഞ്ചായത്ത് പ്രസിഡന്റ് ഡോ.എം.ആര്‍ സുഭാഷിണി പദ്ധതിയുടെ ഉദ്ഘാടനം നിര്‍വഹിച്ചു.
നാട്ടിക ഗ്രാമപഞ്ചായത്ത് പ്രസിഡന്റ് പി വിനു അധ്യക്ഷയായിരുന്നു. വെറ്ററിനറി സര്‍ജന്‍ ഡോക്ടര്‍ എന്‍.ബി സെബി, നാട്ടിക ഗ്രാമപഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ഗീതാ മണികണ്ഠന്‍, പി.ടി.എ പ്രസിഡന്റ് കെ.ബി ഹംസ സംസാരിച്ചു. 50 വിദ്യാര്‍ഥികള്‍ക്ക് അഞ്ച് മുട്ടക്കോഴി വീതം മരുന്നും തീറ്റയുമാണ് പദ്ധതി പ്രകാരം നല്‍കിയത്.