തേഞ്ഞിപ്പലം:ദേശീയപാത പാണമ്പ്രയില്‍ ഇന്ന് രാവിലെ ഒമ്പതരയോടെയാണ് അപകടം.കോഴിക്കോട്ട് നിന്നും തിരൂരിലേക്ക് പോകുകയായിരുന്ന സ്വകാര്യ ബസ്സും വേങ്ങരയില്‍ നിന്നും കോഴിക്കോട്ടേക്ക് പോകുകയായിരുന്ന സ്വകാര്യ ബസ്സും തമ്മിലാണ് കൂട്ടിയിടിച്ചത്.അപകടത്തില്‍ 45 ല്‍ പരം ആളുകള്‍ക്ക് പരുക്കേറ്റു. പരുക്കേറ്റവരെ വിവിധ ആശുപത്രികളില്‍ പ്രവേശിപ്പിച്ചു. ആരുടെയും നില ഗുരുതരമല്ലെന്നാണ് റിപ്പോര്‍ട്ട്. അപകടത്തെ തുടര്‍ന്ന് ദേശീയപാതയില്‍ഗതാഗതം തടസ്സപ്പെട്ടു.