അരിക്കൊമ്പനെ വീണ്ടും മയക്കുവെടിവെച്ചു; ആനയെ വെള്ളിമലയിലേക്ക് കൊണ്ടുപോകുന്നു

കമ്പം: തമിഴ്നാട്ടിൽ നാട്ടിലിറങ്ങി ഭീതിപരത്തിയ അരിക്കൊമ്പനെ വീണ്ടും മയക്കുവെടിവെച്ചു. തമിഴ്നാട് വനംവകുപ്പാണ് കാട്ടിൽ നിന്നും നാട്ടിലേക്കിറങ്ങിയ ആനയെ മയക്കുവെടിവെച്ചത്. ആനയെ കുങ്കിയാനകളുടെ സഹായത്തോടെ ആനിമൽ ആംബുലൻസിലേക്ക് കയറ്റി. ആനയെ മേഘമലയിലെ വെള്ളിമലയിലേക്ക് കൊണ്ടുപോവുകയാണ്.

ഡോക്ടർ കലൈവാനാണ് രാത്രി 12.30 ന് നടന്ന ദൗത്യത്തിന് നേതൃത്വം നൽകിയത്. തേനി ജില്ലയിലെ പൂശാനം പെട്ടിക്കടുത്ത് വച്ചാണ് അരിക്കൊമ്പനെ മയക്കുവെടിവെച്ചത്. കമ്പത്ത് അരിക്കൊമ്പന്‍റെ സാന്നിധ്യം ഉണ്ടായി പത്താം ദിവസമാണ് മയക്കുവെടി വെച്ചത്. ആന വനത്തിൽ നിന്നും പുറത്തു വന്നപ്പോഴാണ് വെടി വെച്ചത്. രണ്ട് തവണ മയക്കുവെടിവെച്ചുവെന്നാണ് വിവരം. പ്രദേശത്തെ വൈദ്യുതി ബന്ധം വിച്ചേദിച്ചു.