ആലപ്പുഴ: സാങ്കേതിക വിദ്യയെ ഉപയോഗപ്പെടുത്തി വിദ്യാഭ്യാസത്തെ മെച്ചപ്പെടുത്തുന്നതില്‍ പുതിയ തലമുറ ശ്രമിക്കണമെന്ന് മുസ്‌ലിം ലീഗ് ദേശീയ സെക്രട്ടറി ഇ. ടി മുഹമ്മദ് ബഷീര്‍ എം. പി അഭിപ്രായപ്പെട്ടു.
മുസ്‌ലിം ലീഗിന്റെ ആഭിമുഖ്യത്തില്‍ സിവില്‍ സ്റ്റേഷന്‍ മേഖലയില്‍ കൗണ്‍സിലര്‍ എ. എം. നൗഫല്‍ ഏര്‍പ്പെടുത്തിയ മികവ് -16 ശിഹാബ് തങ്ങള്‍ മെരിറ്റ് അവാര്‍ഡ് വിതരണം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സമൂഹത്തില്‍ പിന്നാക്കം നില്‍ക്കുന്നവരുടെ വിദ്യാഭ്യാസ ഉന്നമനത്തിനായി പ്രവര്‍ത്തിച്ച ശിഹാബ് തങ്ങളുടെ പേരില്‍ നല്‍കുന്ന ഈ അവാര്‍ഡ് എന്തുകൊണ്ടും അഭിനന്ദനാര്‍ഹമാണെന്ന് അദ്ദേഹം കൂട്ടിച്ചേര്‍ത്തു.
മേഖല പ്രസിഡന്റ് പി. അബ്ദുല്‍ ലത്തീഫിന്റെ അധ്യക്ഷതയില്‍ കൂടിയ യോഗത്തില്‍ ജില്ലാ ജനറല്‍ സെക്രട്ടറി എ. എം. നസീര്‍  മുഖ്യപ്രഭാഷണം നടത്തി. എം. ബി. ബി. എസ് പരീക്ഷ പാസായ ഡോ. ഹാഷിം റാവുത്തരെ ചടങ്ങില്‍ അനുമോദിച്ചു. പരിശുദ്ധ ഹജ്ജ് കര്‍മ്മത്തിന് പോകുന്ന മേഖല വൈസ് പ്രസിഡന്റ് എ. യൂനുസ് മുഖാമിന് യാത്രയയപ്പും നല്‍കി. മുസ്‌ലിം ലീഗ് ജില്ലാ സെക്രട്ടറി എസ്. എ. അബ്ദുല്‍സലാം ലബ്ബ, മണ്ഡലം പ്രസിഡന്റ് അഡ്വ. എ. എ. റസാഖ്, മുനിസിപ്പല്‍ വൈസ് ചെയര്‍മാന്‍ ബീന കൊച്ചുബാവ, വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ അഡ്വ. ജി. മനോജ്കുമാര്‍, ബി.എ. ഗഫൂര്‍, ബാബു ഷെരീഫ്, എ. എം. യൂസഫ് പോറ്റി, കെ. എ. ജബ്ബാര്‍, ഇ. എന്‍. എസ്. നവാസ്, എ. മുഹമ്മദ് രാജ, ശുഹൈബ് അബ്ദുല്ല, ഫൈസല്‍ ശംസുദ്ദീന്‍, എ. ആര്‍. സലാം, എച്ച്. നൗഷാദ്, ഹസീന അമാന്‍, ബാദുഷ ഷെരീഫ്, റൈസ് എം. രാജ, അജ്മല്‍ എസ്, ആര്‍. റസിം തുടങ്ങിയവര്‍ പ്രസംഗിച്ചു. എ. എം. നൗഫല്‍ സ്വാഗതവും ഒ. മുഹമ്മദാലി നന്ദിയും പറഞ്ഞു.