തൊടുപുഴ: നിയമവിരുദ്ധമായി അളവില്‍ കൂടുതല്‍ കള്ള് ഓട്ടോറിക്ഷയില്‍ കടത്തുന്നതിനിടെ ഒരാള്‍ പിടിയില്‍. കോലടി വേങ്ങാല്ലൂര്‍ രണ്ടുപ്ലാക്കല്‍ വീട്ടില്‍ ഷാജി മകന്‍ സാബു(24) വിനെയാണ് തൊടുപുഴ എക്‌സൈസ് സംഘം ഓട്ടോറിക്ഷ സഹിതം പിടികൂടിയത്. ഡെപ്യൂട്ടി കമ്മിഷണര്‍ കെ എ നെല്‍സണ് ലഭിച്ച പരാതിയുടെ അടിസ്ഥാനത്തില്‍ നടത്തിയ പരിശോധനയിലാണ് വഴിത്തലയ്ക്ക് സമീപത്ത് നിന്നും പ്രതി 20 ലിറ്റര്‍ കള്ളുമായി പിടിയിലാകുന്നത്. തൊടുപുഴ എക്‌സൈസ് സര്‍ക്കിള്‍ ഇന്‍സ്‌പെക്ടര്‍ പി.വി.ബിജുവിന്റെ നേതൃത്വത്തിലുള്ള എക്‌സൈസ് സംഘത്തില്‍ എക്‌സൈസ് ഇന്‍സ്‌പെക്ടര്‍ ഷിബു മാത്യു, അസി. എക്‌സൈസ് ഇന്‍സ്‌പെക്ടര്‍മാരായ പി.എം.ജോസ്, സുഭാഷ്.എ.എസ്., സിവില്‍ എക്‌സൈസ് ഓഫീസര്‍ അനൂപ് എന്നിവരും ഉണ്ടായിരുന്നു.