maruti reveals jimny price

വിപണിയിലേക്കെത്തും മുന്‍പെ തന്നെ വാഹന പ്രേമികള്‍ക്കിടയില്‍ ചര്‍ച്ചയായി മാറിയ മാരുതി സുസുക്കി ജിംനിയുടെ വിലവിവരങ്ങള്‍ പ്രഖ്യാപിച്ചിട്ടുണ്ട്. വ്യത്യസ്ഥങ്ങളായ രണ്ട് വേരിയന്റുകളില്‍ പുറത്തിറങ്ങുന്ന ഈ കാറിന് 12.74 ലക്ഷം രൂപ വരെ ഷോറൂമില്‍ വില ലഭിക്കും.ഈ വര്‍ഷം ജനുവരിയില്‍ പ്രദര്‍ശനത്തിനെത്തിയ വാഹനത്തിന്റെ ബുക്കിങ്ങും ജനുവരി മാസം തന്നെയാണ് ആരംഭിച്ചത്.

ജിംനിയുടെ ബെയ്‌സ് മോഡലായ zeta മാനുവലിന്റെ എക്‌സ്‌ഷോറൂം വില 12.74 ലക്ഷമാണ്. zetaയുടെ ഓട്ടോമാറ്റിക്ക് മോഡലിന് 13.94 ലക്ഷം രൂപയാണ് വിലവരുന്നത്. വാഹനത്തിന്റെ രണ്ടാമത്തെ മോഡലായ alpha tm ക്ക് 13.69 ലക്ഷവും ഇതിന്റെ tm മോഡലിന് 14.89 ലക്ഷവും വിലവരുന്നുണ്ട്. ഇതിനൊപ്പം വാഹനത്തിന്റെ ആല്‍ഫ ട്യുവല്‍ മോഡലുകളുടേയും വില പ്രഖ്യാപിക്കപ്പെട്ടിട്ടുണ്ട്.

വില പ്രഖ്യാപിക്കുന്നതിന് മുന്‍പെ തന്നെ 30,000ത്തോളം ബുക്കിങ്ങ് ലഭിച്ച കാറിന് വില കൂടി പ്രഖ്യാപിക്കപ്പെട്ടതോടെ ആവശ്യക്കാരേറും എന്നാണ് പുറത്ത് വരുന്ന റിപ്പോര്‍ട്ടുകള്‍. രണ്ട് ഡോറുകള്‍ അധികം നല്‍കിയിട്ടുണ്ടെന്നതൊഴിച്ചാല്‍ ത്രീ റോഡ് ജിംനിയില്‍ നിന്നും ഈ വാഹനത്തിന് കാര്യമായ വ്യത്യാസമൊന്നുമുണ്ടായിട്ടില്ല. ഓഫ് റോഡ് സഞ്ചാരത്തിന് പറ്റിയ രീതിയില്‍ രൂപകല്‍പന ചെയ്തിരിക്കുന്ന ഈ വാഹനത്തില്‍ നാല് പേര്‍ക്ക് യാത്ര ചെയ്യാന്‍ സാധിക്കുന്നതാണ്.

3985 എം.എം. നീളം, 1645 എം.എം. വീതി, 1720 എം.എം. ഉയരം എന്നിവയ്‌ക്കൊപ്പം 2590 എം.എം. വീല്‍ബേസും 210 എം.എം. ഗ്രൗണ്ട് ക്ലിയറന്‍സുമാണ് ജിംനിക്കുളളത്.
208 ലിറ്റര്‍ ബൂട്ട് സ്‌പേസുളള വാഹനത്തിന് പിന്‍ നിരയിലെ സീറ്റുകള്‍ മടക്കി വെച്ചാല്‍ 332 ലിറ്റര്‍ സ്‌പേസ് ലഭിക്കുന്നതാണ്.

സുസുക്കിയുടെ തന്നെ നിര്‍മിതിയായ ഐഡില്‍ സ്റ്റാര്‍ട്ട് ആന്‍ഡ് സ്റ്റോപ്പ് സംവിധാനമുള്ള കെ15ബി 1.5 ലിറ്റര്‍ നാല് സിലിണ്ടര്‍ പെട്രോള്‍ എന്‍ജിനാണ് ഈ വാഹനത്തിന് കരുത്ത് പകരുന്നത്. 104.8 പി.എസ്.പവറും 134.2 എന്‍.എം ടോര്‍ക്കുമാണ് വാഹനത്തിന്റെ 1462 സി.സി എഞ്ചിന്‍ ഉല്‍പാദിപ്പിക്കുന്നത്.

Content Highlights: maruti reveals jimny price

അഞ്ച് ഡോറുകള്‍, കുറഞ്ഞ വില; വിപണിയില്‍ തരംഗമാകാന്‍ ഈ മാരുതി കാര്‍