മേപ്പാടി: പൊതു വിഭാഗത്തില്‍പെട്ട അരിവാള്‍ രോഗികള്‍ക്ക് സര്‍ക്കാര്‍ പ്രഖ്യാപിച്ച ധന സഹായം ലഭിക്കുന്നില്ലന്ന് പരാതി. അരിവാള്‍ രോഗികളുടെ പരാതിയെ തുടര്‍ന്ന് കഴിഞ്ഞ സര്‍ക്കാരിന്റെ കാലത്ത് മാസം രണ്ടായിരം രൂപ തോതില്‍ ധന സഹായം പ്രഖ്യാപിച്ചത്. പ്രഖ്യാപിച്ച തുക ഇതുവരെയും കിട്ടി തുടങ്ങിയിട്ടില്ല. വയനാട്ടില്‍ മാത്രം മുന്നൂറോളം രോഗികളുണ്ട്. പട്ടിക വിഭാഗത്തില്‍പെട്ട രോഗികള്‍ക്ക് മാത്രമാണ് ഇപ്പോള്‍ സര്‍ക്കാര്‍ ധനസഹായം ലഭിക്കുന്നുള്ളൂ. രോഗം പിടിമുറിക്കയത് കാരണം കൃത്യമായി ജോലിക്ക് പോലും പോകാന്‍ പറ്റുന്നില്ലന്ന് രോഗികള്‍ പറയുന്നു. സര്‍ക്കാര്‍ പ്രഖ്യാപിച്ച തുക ലഭിച്ചാല്‍ മാത്രമേ അല്‍പ്പമെങ്കിലും ആശ്വാസമാവുകയുള്ളൂ. തുക ലഭ്യമാക്കാന്‍ നടപടി വേണമെന്നാവശ്യപ്പെട്ട് മുഖ്യമന്ത്രി പിണറായി വിജയന് നിവേദനം നല്‍കി കാത്തിരിക്കുകയാണ് രോഗികള്‍. കൂടുതല്‍ രോഗികളും സ്ത്രീകളാണ്. ഏതാനും കുട്ടികള്‍ക്കും രോഗമുണ്ട്.