തരുവണ: മുസ്‌ലിം സമൂഹത്തിന്റെ പ്രതീകമായ മഹല്ലുകള്‍ ദുര്‍ബലപ്പെടുത്തുന്നവര്‍ യഥാര്‍ഥത്തില്‍ ഇസ്‌ലാമിന്റെ സൗഹൃദത്തെയാണ് വികൃതമാക്കുന്നതെന്ന് എസ്.എം.എഫ് തരുവണ മേഖല സാരഥി സംഗമം അഭിപ്രായപ്പെട്ടു.
ഇസ്‌ലാമിക ഐക്യം കാത്ത് സൂക്ഷിക്കാന്‍ പാരമ്പര്യ മുസ്‌ലിം സാംസ്‌കാരിക ശീലങ്ങള്‍ മുറുകെ പിടിക്കാന്‍ യോഗം ആഹ്വാനം ചെയ്തു. ശിഥിലീകരണ പ്രവര്‍ത്തനങ്ങള്‍ക്ക് നേതൃത്വം നല്‍കുന്നവരെ ഒറ്റപ്പെടുത്തുവാന്‍ മഹല്ലു നിവാസികള്‍ ആര്‍ജവം കാണിക്കണമെന്നും യോഗം ആവശ്യപ്പെട്ടു.
സംഗമം ജില്ലാ പ്രസിഡന്റ് ടി.സി അലി മുസ്‌ലിയാര്‍ ഉദ്ഘാടനം ചെയ്തു. വി. ഉസ്മാന്‍ ഫൈസി അധ്യക്ഷനായി.
പിണങ്ങോട് അബൂബക്കര്‍ ഹാജി, ഉസ്മാന്‍ കാഞ്ഞായി ക്ലാസുകള്‍ നിയന്ത്രിച്ചു. പി. അഹമ്മദ് മാസ്റ്റര്‍, കെ.സി ആലി, അലി യമാനി, മജീദ് മാസ്റ്റര്‍, മമ്മുട്ടി ഫൈസി, സി. അന്ത്രു ഹാജി സംസാരിച്ചു