ഷില്ലോങ്: അസമില്‍ ഉള്‍ഫ ഭീകരര്‍ തട്ടിക്കൊണ്ടുപോയ ബി.ജെ.പി നേതാവിന്റെ മകനെ മോചിപ്പിക്കാനുള്ള ശ്രമം തുടരുന്നു. ബി.ജെ.പി നേതാവ് രത്‌നേശ്വര്‍ മോറന്റെ മകനും എം.എല്‍.എ ബോളിന്‍ ഛേത്തിയയുടെ അനന്തിരവനുമായ കുല്‍ദീപ്‌മോറനെ (27) യാണ് തട്ടിക്കൊണ്ടുപോയത്. ഇയാളെ മോചിപ്പിക്കാന്‍ ഒരുകോടി രൂപ നല്‍കണമെന്നാണ് ഭീകരരുടെ ആവശ്യം.
ആഗസ്റ്റ് ഒന്നു മുതല്‍ കുല്‍ദീപിനെ കാണാനില്ലായിരുന്നു. ഉള്‍ഫയാണ് ഇതിനുപിന്നിലെന്ന് ഇപ്പോഴാണ് വെളിവായത്. യുവാവിനെ അരുണാചല്‍പ്രദേശില്‍ നിന്നാണ് തട്ടിക്കൊണ്ടുപോയത്.
ഇയാളുടെ ദൃശ്യങ്ങള്‍ ഉള്‍ഫ പുറത്തുവിട്ടിരുന്നു. കുല്‍ദീപിനെ രക്ഷിക്കാന്‍ അസം പൊലിസ് അരുണാചല്‍ പൊലിസിന്റെ സഹായം തേടിയിട്ടുണ്ട്.