മലപ്പുറം: എസ്.കെ.എസ്.എസ്.എഫ് ജില്ലാ കമ്മിറ്റിക്കു കീഴില്‍ പ്രവര്‍ത്തിക്കുന്ന മഞ്ചേരി ജാമിഅ ഇസ്‌ലാമിയ്യയുടെ വിഭവ സമാഹരണത്തിന്റെ ഉദ്ഘാടനം കബീര്‍ കൂട്ടായിയില്‍ നിന്നും ഫണ്ട് സ്വീകരിച്ചു പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്തു. ജനറല്‍ സെക്രട്ടറി ഷാഹുല്‍ ഹമീദ് മേല്‍മുറി, എസ്.കെ.എസ്.എസ്.എഫ് സംസ്ഥാന സെക്രട്ടറി പി.എം റഫീഖ് അഹ്മദ് തിരൂര്‍, ഐ.പി അബു മാസ്റ്റര്‍, കുഞ്ഞിമോന്‍ ഹാജി വാണിയമ്പലം, വി.എം സൈനുദ്ദീന്‍, ഉമറുല്‍ ഫാറൂഖ് ഫൈസി മണിമൂളി, അഫ്‌സല്‍ റഹ്മാനി പരപ്പനങ്ങാടി സംബന്ധിച്ചു.
ശിഹാബ് തങ്ങള്‍, ഉമറലി ശിഹാബ് തങ്ങള്‍, നാട്ടിക മൂസ മുസ്‌ലിയാര്‍, കെ.ടി മാനു മുസ്‌ലിയാര്‍ എന്നിവരുടെ നേതൃത്വത്തില്‍ 1991ലാണ് സ്ഥാപനം പ്രവര്‍ത്തനമാരംഭിച്ചത്. അനാഥ-അഗതി മന്ദിരം, ജൂനിയര്‍ ശരീഅത്ത് കൊളജ്, ശംസുല്‍ ഉലമാ സ്മാരക ഹിഫ്‌ളുല്‍ ഖുര്‍ആന്‍ ലേണിംങ് സ്‌കൂള്‍, ഹയര്‍ സെക്കന്‍ഡറി സ്‌കൂള്‍, ആര്‍ട്‌സ് ആന്റ് സയന്‍സ് കൊളജ്, വനിതാ ഖുര്‍ആന്‍ പഠന വേദി എന്നിവ നടന്നു വരുന്നു. സ്ഥാപനത്തിന്റെ ഫണ്ട് ശേഖരണത്തിനായി വര്‍ഷത്തിലൊരിക്കല്‍ നടക്കുന്ന വിഭവ സമാഹരണം സംപ്തംബര്‍ രണ്ടിനു നടക്കും. ഫണ്ട് ശേഖരണം വിജയിപ്പിക്കണമെന്നു മഹല്ല് ഭാരവാഹികളോടും സംഘടനാ പ്രവര്‍ത്തകരോടും പാണക്കാട് സയ്യിദ് ഹൈദറലി ശിഹാബ് തങ്ങള്‍ അഭ്യര്‍ഥിച്ചു.