തേഞ്ഞിപ്പലം: കാലിക്കറ്റ് സര്‍വകലാശാലാ ഭാഷാ ബ്ലോക്കില്‍ ഹിന്ദി, അറബിക്, മലയാളം, ഇംഗ്ലീഷ്, റഷ്യന്‍, സംസ്‌കൃതം ഡിപ്പാര്‍ട്ടുമെന്റുകളിലെ അധ്യാപകരും അനധ്യാപക ജീവനക്കാരും വിദ്യാര്‍ഥികളും ഗവേഷകരും സമൂഹ ദേശീയഗാന ആലാപന ചടങ്ങ് സംഘടിപ്പിച്ചു. രണ്ടാഴ്ചത്തെ സ്വാതന്ത്ര്യദിനാഘോഷങ്ങളുടെ സമാപനമായി രാജ്യവ്യാപകമായി ആഘോഷിക്കുന്ന 'ആസാദി 70'ന്റെ ഭാഗമാണിത്. ഡോ. എ.ബി മൊയ്തീന്‍കുട്ടി സന്ദേശം നല്‍കി. ഡോ. ഹെര്‍മന്‍, ഡോ. വിനോദ്, ഡോ. ഉമര്‍ തറമേല്‍, പ്രൊഫ. അനില്‍ വള്ളത്തോള്‍, ഡോ. ഫാത്തിമ ജിം, ഡോ. ഗീതാകുമാരി, ഡോ. അബ്ദുല്‍മജീദ്, ഡോ. പ്രമോദ് എന്നിവര്‍ നേതൃത്വം നല്‍കി.