'രാഷ്ട്രീയം പറയരുത്' ഗവര്‍ണര്‍മാരോട് തമിഴ്‌നാട് ബി.ജെ.പി അധ്യക്ഷന്‍

ചെന്നൈ: രാഷ്ട്രീയം പറയരുതെന്ന് ഗവര്‍ണര്‍മാരോട് തമിഴ്‌നാട് ബി.ജെ.പി അധ്യക്ഷന്‍. തെറ്റായ കീഴ്‌വഴക്കം സൃഷ്ടിക്കുമെന്നതിനാല്‍ ഗവര്‍ണര്‍ രാഷ്ട്രീയം സംസാരിക്കണ്ടെന്നാണ് തന്റെ നിലപാടെന്ന് കെ.അണ്ണാമലൈ ചൂണ്ടിക്കാട്ടുന്നു. ഗവര്‍ണര്‍മാര്‍ പതിവായി പത്രസമ്മേളനങ്ങള്‍ നടത്തുന്നത് ഒഴിവാക്കണമെന്നും അണ്ണാമലൈ ഉപദേശിച്ചു.

തെലങ്കാന ഗവര്‍ണര്‍ തമിഴിസൈ സൗന്ദര്‍രാജന്‍ പതിവായി വാര്‍ത്താ സമ്മേളനങ്ങളില്‍ സംസാരിക്കുമ്പോള്‍ തമിഴ്‌നാട് ഗവര്‍ണര്‍ ആര്‍.എന്‍ രവി അപൂര്‍വ്വമായി മാധ്യമങ്ങളെ കാണുന്നത് എന്തുകൊണ്ടെന്ന ചോദ്യത്തിന് മറുപടി നല്‍കുകയായിരുന്നു അദ്ദേഹം. ''ഒരു ഗവര്‍ണര്‍ രാഷ്ട്രീയം പറയരുത്, അത് തെറ്റായ മാതൃക സൃഷ്ടിക്കുന്നു.ഭരണഘടന അനുശാസിക്കുന്ന ചുമതല മാത്രമേ ഗവര്‍ണര്‍ നിര്‍വഹിക്കാവൂ.ഞാന്‍ ഭരണകക്ഷിയാണെങ്കിലും രാഷ്ട്രീയം പറയരുതെന്ന് ഗവര്‍ണറെ ഉപദേശിക്കുമായിരുന്നു, അത് തെറ്റായ മാതൃകയാണ്.വര്‍ഷത്തിലൊരിക്കലോ ആറുമാസത്തിലൊരിക്കലോ അവര്‍ക്ക് അച്ചടി മാധ്യമങ്ങള്‍ക്ക് അഭിമുഖം നല്‍കാം. അത് കുഴപ്പമില്ല. അത് അങ്ങനെ തന്നെ ആയിരുന്നു, അങ്ങനെ തന്നെ വേണം. മറ്റ് ഗവര്‍ണര്‍മാരെ കുറിച്ച് പ്രതികരിക്കാന്‍ ഞാന്‍ ആഗ്രഹിക്കുന്നില്ല. അത് അവരുടെ പ്രവര്‍ത്തന ശൈലിയാണ്.' അണ്ണാമലൈ വ്യക്തമാക്കി.

ഗവര്‍ണര്‍ക്ക് വിയോജിപ്പുണ്ടെങ്കില്‍ അദ്ദേഹം നിയമസഭയില്‍ സംസാരിക്കണമെന്നും അണ്ണാമലൈ പറഞ്ഞു, പതിവ് പത്രസമ്മേളനങ്ങള്‍ അദ്ദേഹത്തിന്റെ പദവിയെ അര്‍ത്ഥശൂന്യമാക്കുമെന്നും കൂട്ടിച്ചേര്‍ത്തു.എന്തുകൊണ്ടാണ് ഗവര്‍ണര്‍ മാധ്യമങ്ങളെ കാണാത്തതെന്ന് ഞങ്ങളുടെ പാര്‍ട്ടി പ്രവര്‍ത്തകര്‍ പോലും ചോദിക്കുന്നു, ഇത് തെറ്റായ ധാരണ നല്‍കുന്നുവെന്ന് ഞാന്‍ പറയും.ഡിഎംകെയ്‌ക്കെതിരായ ബിജെപിയുടെ വിമര്‍ശനവും ഗവര്‍ണറുടെ വിമര്‍ശനവും തമ്മില്‍ വ്യത്യാസമുണ്ട്.ഏകീകൃത സിവില്‍ കോഡിനെ എതിര്‍ക്കുന്നവര്‍ വരും ദിവസങ്ങളില്‍ അതിന്റെ ആവശ്യകത മനസ്സിലാക്കുമെന്ന് ബി.ജെ.പി നേതാവ് പറഞ്ഞു.

"shouldn't-speak-politics":-tamil-nadu-bjp-chief's-advice-to-governors