പൂക്കോട്ടുംപാടം: അമരമ്പലം പഞ്ചായത്തിലെ സ്‌കൂളുകളില്‍ സാമൂഹ്യവിരുദ്ധ ശല്യം രൂക്ഷമാകുന്നു. തിങ്കളാഴ്ച രാത്രി രണ്ടു സ്‌കൂളുകളിലാണ് നാശനഷ്ടമുണ്ടാക്കിയത്. തേള്‍പ്പാറ എ.എം.എം.എല്‍.പി സ്‌കൂളിന്റെ ഭക്ഷണപ്പുരയുടെ ഷീറ്റുകള്‍ തകര്‍ത്തു. രാവിലെ സ്‌കൂളില്‍ അധ്യാപകര്‍ വന്നപ്പോഴാണ് ഷീറ്റുകള്‍ തകര്‍ത്ത നിലയില്‍ കണ്ടെത്തിയത്. പ്രധാനാധ്യാപകന്‍ പൂക്കോട്ടുംപാടം പൊലിസില്‍ പരാതി നല്‍കി.
പായംപാടം ഗവ. എല്‍.പി സ്‌കൂില്‍ ഓഫിസ് വാതില്‍ കുത്തിനശിപ്പിച്ചു. രാവിലെ  ജീവനകാരി സ്‌കൂളില്‍ വന്നപ്പോഴാണ് വാതില്‍ തകര്‍ത്തനിലയില്‍ കണ്ടത്. സ്‌കൂള്‍ അധികൃതര്‍ പരാതി നല്‍കിയതിന്റെ അടിസ്ഥാനത്തില്‍ പൂക്കോട്ടുംപാടം എസ്.ഐ അമൃത്‌രംഗന്‍ സ്ഥലത്തെത്തി പരിശോധന നടത്തി.