ചൂട്‌ കൂടുന്നു; യുഎഇയിൽ താപനില ഇന്ന് 47 ഡിഗ്രി സെൽഷ്യസിൽ എത്തും

അബുദാബി: യുഎഇയിൽ ചൂട് കൂടുന്നു. താപനില ഇന്ന് 47 ഡിഗ്രി സെൽഷ്യസിൽ എത്തും.അബുദാബിയിൽ താപനില 32 ഡിഗ്രി സെൽഷ്യസും ദുബായിൽ 33 ഡിഗ്രി സെൽഷ്യസും ആയിരിക്കും. ഉൾപ്രദേശങ്ങളിൽ 34 ഡിഗ്രി സെൽഷ്യസും വരെ ചൂട് കൂടും. ദിവസം ഭാഗികമായി മേഘാവൃതവും ചിലപ്പോൾ പൊടി നിറഞ്ഞതുമായിരിക്കുമെന്ന് ദേശീയ കാലാവസ്ഥാ കേന്ദ്രം അറിയിച്ചു.

ഉച്ചയോടെ മേഘങ്ങൾ കിഴക്കോട്ട് ദൃശ്യമാകും. രാത്രിയിലും തിങ്കളാഴ്ച രാവിലെയും ഈർപ്പമുള്ള അന്തരീക്ഷമായിരിക്കും ഉണ്ടാവുക. ചില തീരപ്രദേശങ്ങളിൽ മൂടൽമഞ്ഞ് രൂപപ്പെടാൻ സാധ്യതയുണ്ട്.

ഇന്ന് പകൽ സമയത്ത് കിഴക്കോട്ടും വടക്കോട്ടും പൊടി വീശുന്നതിന് കാരണമാകുന്ന, നേരിയതോ മിതമായതോ ആയ കാറ്റ് ഉണ്ടാകും. പൊടിക്കാറ്റ് ഉണ്ടാകാൻ സാധ്യതയുള്ളതിനാൽ ഡ്രൈവർമാർ ഉൾപ്പെടെ ജാഗ്രത പുലർത്തണം.