മുതലപ്പൊഴിയില്‍ ഒരാളുടെ മൃതദേഹം കൂടി കണ്ടെത്തി; രണ്ട് പേര്‍ക്കായി തിരച്ചില്‍

തിരുവനന്തപുരം: മുതലപ്പൊഴിയില്‍ മത്സ്യബന്ധന വള്ളം മറിഞ്ഞ് നാലുപേര്‍ അപകടത്തില്‍ പെട്ട സംഭവത്തില്‍ ഒരാളുടെ കൂടി മൃതദേഹം കണ്ടെത്തി. സുരേഷ് ഫെര്‍ണാണ്ടസ് (ബിജു 58) ന്റെ മൃതദേഹം ആണ് കിട്ടിയത്. പുലിമുട്ടിനിടയില്‍ കുടുങ്ങിക്കിടക്കുന്ന നിലയിലായിരുന്നു മൃതദേഹം. മൃതദേഹം ചിറയന്‍കീഴ് താലൂക്ക് ആശുപത്രിയിലേക്ക് മാറ്റി

ബിജു ആന്റണി, റോബിന്‍ എഡ്വിന്‍ എന്നിവരെക്കൂടിയാണ് ഇനി കണ്ടെത്താനുള്ളത്. സുരേഷിന്റെ മൃതദേഹം നേരത്തെ കണ്ടെത്തിയിരുന്നു.

തിങ്കളാഴ്ച പുലര്‍ച്ചെ നാലുമണിയോടെയാണ് മുതലപ്പൊഴി ഹാര്‍ബറില്‍നിന്നു പോയ വള്ളം അഴിമുഖത്ത് ശക്തമായ തിരയില്‍പ്പെട്ടു മറിഞ്ഞത്.