ചൂടിൽ വിയർത്തൊലിച്ച് സഊദി; പക്ഷേ, മദീനയും പ്രവാചകന്റെ പള്ളിയും കൂളാണ്

റിയാദ്: വേനൽക്കാലമായതോടെ സഊദി അറേബ്യ ചൂടിൽ വിയർത്തൊലിക്കുകയാണ്. ഹജ്ജിന് ശേഷം ഉംറ സീസൺ പുനരാരംഭിച്ചതോടെ നിരവധിപ്പേർ സഊദിയിലേക്ക് എത്തുന്നുണ്ട്. ചൂടിന്റെ കാര്യത്തിൽ ആശങ്കയിലാണ് തീത്ഥാടകർ. എന്നാൽ അത്തരം ആശങ്കകളൊന്നും മദീനയിൽ എത്തുന്നവർക്ക് ആവശ്യമില്ല.

പ്രവാചകന്റെ മസ്ജിദിന്റെ ചുമതലയുള്ള ഒരു സ്റ്റേറ്റ് ഏജൻസി പ്രദേശത്തെ ചൂട് കുറക്കുന്നതിനുള്ള പ്രവർത്തികൾ നടത്തിവരികയാണ്. ഇവിടുത്തെ ചൂടിപ്പോൾ നിയന്ത്രണവിധേയത്വമാണ്. ഇത് ലോകമെമ്പാടുമുള്ള ധാരാളം വിശ്വാസികളെയും സന്ദർശകരെയും ആകർഷിക്കുന്നതാണ്.

കഴിഞ്ഞ മാസം അവസാനത്തോടെ ഹജ്ജ് തീർഥാടനം പൂർത്തിയാക്കിയ ശേഷം 700,000-ത്തിലധികം തീർഥാടകർ മദീനയിൽ ഈ മാസം എത്തുമെന്ന് പ്രതീക്ഷിക്കുന്നു. ഇവരിൽ 383,000 പേർ വ്യാഴാഴ്ച വരെ മദീനയിൽ എത്തിയതായി ഔദ്യോഗിക കണക്കുകൾ വ്യക്തമാക്കുന്നു.

വേനൽച്ചൂടിൽ നിന്ന് വിശ്വാസികളെ സംരക്ഷിക്കുന്നതിനുള്ള മൾട്ടി-വേ മെക്കാനിസത്തിന്റെ ഭാഗമായി, 70,000 ചതുരശ്ര മീറ്റർ വിസ്തീർണ്ണത്തിൽ സ്ഥാപിച്ചിട്ടുള്ള സെൻട്രൽ എയർ കണ്ടീഷനിംഗ് സ്റ്റേഷൻ ഉപയോഗിച്ച് കാര്യക്ഷമമായ കൂളിംഗ് സംവിധാനം പ്രവാചകന്റെ പള്ളിയിൽ പ്രവർത്തിക്കുന്നു. സ്ഥലത്ത് സമീകൃത തണുപ്പ് ഉറപ്പാക്കുന്ന തരത്തിൽ വായുവിന്റെ താപനില അനുസരിച്ച് സിസ്റ്റം സ്വിച്ച് ഓൺ ചെയ്യുന്ന രീതിയിലാണ് ഇത് ക്രമീകരിച്ചിരിക്കുന്നത്.

പള്ളിയുടെ മുറ്റത്ത് സ്ഥാപിച്ചിട്ടുള്ള 250 വലിയ കുടകൾ, നേരിട്ട് സൂര്യപ്രകാശത്തിൽ നിന്ന് വിശ്വാസികളെ സംരക്ഷിക്കുന്നതിനായി യാന്ത്രികമായി പ്രവർത്തിക്കുന്നു.

ഇതിന് പുറമെ, മുറ്റത്ത് 436 സ്പ്രേ ഫാനുകൾ ഘടിപ്പിച്ചിട്ടുണ്ട്, കൂടാതെ തണുത്ത താപനിലയിൽ സ്ഥിരമായി അണുവിമുക്തമാക്കുകയും സ്പ്രേ ചെയ്ത വെള്ളത്തിന്റെ ഗുണനിലവാരം ഉറപ്പാക്കുകയും അത് ബാക്ടീരിയ രഹിതവുമാണെന്ന് ഉറപ്പാക്കുകയും ചെയ്യുന്നു.

പള്ളിയുടെ മുറ്റങ്ങളും ഇടനാഴികളും ചൂടിനെ പ്രതിരോധിക്കുന്ന മാർബിൾ കൊണ്ടാണ് നിർമിച്ചിട്ടുള്ളത്. അതിനാൽ ചൂട് കുറയ്ക്കുന്നതിൽ ഇവയും കാര്യമായ പങ്ക് വഹിക്കുന്നു.

പ്രവാചകന്റെ മസ്ജിദിൽ ഏകദേശം 20,00 സംസം വാട്ടർ കണ്ടെയ്നറുകൾ ദിനം പ്രതി നൽകിവരുന്നുണ്ട്. തിരക്കേറിയ സമയങ്ങളിൽ ഇത് 22,000 ആയി വർധിക്കുകയും ചെയ്യും. കൂടാതെ തീർത്ഥാടകർക്ക് തണുത്ത വെള്ള കുപ്പികളും ഇവിടെ നിന്ന് വിതരണം ചെയ്യുന്നു.

മദീന മേഖലയിൽ ചൂട് 48 ഡിഗ്രി സെൽഷ്യസിൽ ചൂട് എത്തുമെന്നാണ് മുന്നറിയിപ്പ്. ഉഷ്ണ തരംഗം ഉണ്ടാകുമെന്ന് സൗദി നാഷണൽ സെന്റർ ഫോർ മെറ്റീരിയോളജി മുന്നറിയിപ്പ് നൽകിയതിനെ തുടർന്നാണ് നടപടികൾ ശക്തമാക്കിയത്. രാവിലെ 11 മുതൽ വൈകീട്ട് അഞ്ചുവരെയാണ് ചൂട് കൂടുതലായി അനുഭവപ്പെടുക. ഉഷ്ണതരംഗം എത്രനാൾ തുടരുമെന്ന് വ്യക്തമല്ല.