തലശ്ശേരി: ശ്രീകൃഷ്ണ ജയന്തി ആഘോഷങ്ങളോടനുബന്ധിച്ച് തലശ്ശേരി പൊലിസ് സബ് ഡിവിഷനു കീഴില്‍ 15 പ്ലാറ്റൂണ്‍ സായുധ സേനയെ വിന്യസിക്കും. തലശ്ശേരി, പാനൂര്‍, കൂത്തുപറമ്പ് മേഖലകളിലാണ് സേനയെ വിന്യസിക്കുക. 25 മൊബൈല്‍ പട്രോളിങും 50 പിക്കറ്റ് പോസ്റ്റുകളും ഏര്‍പ്പെടുത്തും. തലശ്ശേരിയിലും പരിസര പ്രദേശങ്ങളിലുമായി അഞ്ച് കേന്ദ്രങ്ങളില്‍ ശോഭായാത്രയും ഒന്‍പതു കേന്ദ്രങ്ങളില്‍ സി.പി.എം ഘോഷയാത്രയും നടക്കുന്നുണ്ട്.