കടുത്ത ചൂടിനോട് വിടപറയാനൊരുങ്ങി കുവൈത്ത്; 'സുഹൈൽ' വൈകാതെ വരും

കു​വൈ​ത്ത് സി​റ്റി: കടുത്ത വേനലിനോട് വിട പറയാനൊരുങ്ങി കുവൈത്ത്. ഈ ​മാ​സ​ത്തോ​ടെ രാ​ജ്യ​ത്ത് വേ​ന​ല്‍ച്ചൂ​ടി​ന്റെ തീ​വ്ര​ത കു​റ​യു​മെ​ന്നാണ് കാ​ലാ​വ​സ്ഥ നിരീക്ഷകരുടെ നിരീക്ഷണം. നിലവിൽ കടുത്ത ചൂടാണ് രാജ്യത്ത് അനുഭവപ്പെടുന്നത്. കു​വൈ​ത്ത് സി​റ്റി​യി​ലും ജ​ഹ്‌​റ​യി​ലും 51 ഡി​ഗ്രി സെ​ൽ​ഷ്യസാണ് കഴിഞ്ഞ ദിവസം രേഖപ്പെടുത്തിയ താപനില.

​ശൈത്യത്തിന്റെ ആരംഭമറിയിച്ച് സു​ഹൈ​ൽ ന​ക്ഷ​ത്രം ദൃ​ശ്യ​മാ​കു​ന്ന​തോ​ടെ ക​ന​ത്ത ചൂ​ടി​ന് ആ​ശ്വാ​സ​മാ​കു​മെ​ന്നാണ് കണക്കാക്കുന്നത്. ആ​ഗ​സ്റ്റ് 24ന് സുഹൈൽ നക്ഷത്രം എത്തുമെന്നാണ് പ്രതീക്ഷയെന്ന് അ​റ​ബ് യൂ​ണിയ​ൻ ഫോ​ർ അ​സ്ട്രോ​ണ​മി ആ​ൻ​ഡ് സ്പേ​സ് സ​യ​ൻ​സ് അം​ഗം ബ​ദ​ർ അ​ൽ അ​മി​റ അറിയിച്ചു. വേ​ന​ലി​ന്റെ അ​വ​സാ​ന ഘ​ട്ട​ത്തി​ൽ പ്ര​ത്യ​ക്ഷ​പ്പെ​ട്ട്, ശൈ​ത്യ​കാ​ലം മു​ഴു​വ​നും തെ​ളി​ഞ്ഞു​കാ​ണു​ന്ന ന​ക്ഷ​​ത്ര​മാ​ണ് ‘സു​ഹൈ​ല്‍’. ഭൂ​മി​യി​ൽ​നി​ന്ന് ഏ​ക​ദേ​ശം 313 പ്ര​കാ​ശ​വ​ർ​ഷം അ​ക​ലെ​യാ​യാ​ണ് ഇ​ത് സ്ഥി​തി​ചെ​യ്യു​ന്ന​ത്.

ഈ ​മാ​സം 11ന് ​ക്ലെ​ബി​ൻ സീസൺ ആരംഭിക്കുകയും ചെയ്യുന്നത് ചൂട് കുറയുന്നതിന്റെ കൂടുതൽ സൂചനകൾ നൽകുന്നു. രണ്ടാഴ്ചയോളം നീണ്ടു നിൽക്കുന്ന ഏറെ ചൂട് കൂടിയ ഈ സീസൺ അവസാനിച്ചാൽ പിന്നെ ചൂടിന് ശമനമാകും. വേ​ന​ല്‍ക്കാ​ല​ത്തെ അ​വ​സാ​ന സീ​സ​ണാ​ണ് ക്ലെ​ബി​ൻ സീ​സ​ൺ. 13 ദിവസമാണ് സീസൺ നീണ്ടുനിൽക്കുക.