ബംഗാളിലെ ഇംഗ്ലീഷ് മീഡിയം സ്‌കൂളുകളില്‍ ബംഗാളി ഭാഷ നിര്‍ബന്ധമാക്കും

ന്യൂഡല്‍ഹി: ബംഗാളിലെ ഇംഗ്ലീഷ് മീഡിയം സ്‌കൂളുകളില്‍ ബംഗാളി ഭാഷ നിര്‍ബന്ധമാക്കാനുള്ള നിര്‍ദേശത്തിന് പശ്ചിമ ബംഗാള്‍ അംഗീകാരം നല്‍കി. ബംഗാളി രണ്ടാം ഭാഷയായി പഠിക്കാനുള്ള ഓപ്ഷനുകളുണ്ടെങ്കിലും മിക്ക വിദ്യാര്‍ഥികളും ഹിന്ദിയോ മറ്റ് ഭാഷകളോ ആണ് ഇഷ്ടപ്പെടുന്നത്. ഈ സാഹചര്യത്തിലാണ് ഇത്തരം നടപടിയുമായി സര്‍ക്കാര്‍ മുന്നോട്ട് വന്നത്.

സംസ്ഥാനത്ത് ഏഴ് പുതിയ ജില്ലകള്‍ രൂപീകരിക്കുന്നത് സംബന്ധിച്ച് അടുത്ത മൂന്ന് മാസത്തിനുള്ളില്‍ സര്‍ക്കാരിന് റിപ്പോര്‍ട്ട് സമര്‍പ്പിക്കാന്‍ ഒരു കമ്മിറ്റി രൂപീകരിക്കാനും സംസ്ഥാന മന്ത്രിസഭ തീരുമാനിച്ചു. ബംഗാളി രണ്ടാം ഭാഷയാക്കാനുള്ള തീരുമാനത്തെ സ്വാഗതം ചെയ്ത അഭിഭാഷക സംഘടനയായ ബംഗ്ലാ പോക്കോ മുഖ്യമന്ത്രിയെയും വിദ്യാഭ്യാസ മന്ത്രി ബ്രത്യ ബസുവിനെയും അഭിനന്ദിച്ചു.

ബംഗാളിലെ ജനങ്ങള്‍ ഈ തീരുമാനത്തിനായി ഏറെ നാളായി കാത്തിരിക്കുകയായിരുന്നുവെന്ന് ബംഗാളി ഭാഷയെ പ്രോത്സാഹിപ്പിക്കുന്നതിനായി പ്രവര്‍ത്തിക്കുന്ന സംഘടനയുടെ സെക്രട്ടറി കൗസിക് മൈതി പറഞ്ഞു.

മുഖ്യമന്ത്രി മമത ബാനർജിയുടെ അധ്യക്ഷതയിൽ ചേർന്ന മന്ത്രിസഭാ യോഗം സ്വകാര്യ സ്‌കൂളുകൾക്കെതിരായ പരാതികൾ പരിശോധിക്കാൻ വിദ്യാഭ്യാസ കമ്മീഷൻ രൂപീകരിക്കാനും അനുമതി നൽകി