പി.എസ്.സി ഡാറ്റാബേസില്‍ പുതിയ യോഗ്യത ചേര്‍ക്കല്‍; പ്രൊഫൈല്‍ വഴി അപേക്ഷിക്കാം

തിരുവനന്തപുരം: കേരള പബ്ലിക് സര്‍വിസ് കമ്മിഷന്റെ ഡാറ്റാബേസില്‍ വിദ്യാഭ്യാസ യോഗ്യതകള്‍ പുതുതായി ഉള്‍പ്പെടുത്തുന്നതിന് ഉദ്യോഗാര്‍ഥികള്‍ക്ക് സ്വന്തം പ്രൊഫൈല്‍ വഴി അപേക്ഷ സമര്‍പ്പിക്കുവാന്‍ സംവിധാനം.

ഇതിനായി പ്രൊഫൈലില്‍ ലോഗിന്‍ ചെയ്ത് റിക്വസ്റ്റ് എന്ന ലിങ്കില്‍ ക്ലിക്ക് ചെയ്ത് ലഭിക്കുന്ന ഒ.ടി.പി ഉപയോഗിച്ച് ഡാറ്റാബേസില്‍ ഉള്‍പ്പെടുത്തിയിട്ടില്ലാത്ത യോഗ്യത കൂട്ടിച്ചേര്‍ക്കുവാനുള്ള അപേക്ഷ സമര്‍പ്പിക്കാം.

ഉദ്യോഗാര്‍ഥികള്‍ ഉള്‍പ്പെടുത്താനാഗ്രഹിക്കുന്ന വിദ്യാഭ്യാസ യോഗ്യതയുടെ സര്‍ട്ടിഫിക്കറ്റ് അപേക്ഷയോടൊപ്പം സ്‌കാന്‍ ചെയ്ത് അപ്‌ലോഡ് ചെയ്യണം. ഈ ആവശ്യത്തിനായി തപാല്‍ വഴിയോ ഇ.മെയില്‍ വഴിയോ സമര്‍പ്പിക്കുന്ന അപേക്ഷകള്‍ ഇനി മുതല്‍ പരിഗണിക്കില്ല.