യുഎഇയിൽ കനത്ത മൂടൽമഞ്ഞ്; യെല്ലോ അലർട്ട്

ദുബൈ: കനത്ത മൂടൽ മഞ്ഞിൽ കുളിച്ച് യുഎഇയുടെ തലസ്ഥാനമായ അബുദാബിയും ദുബൈയും. പുലർച്ചെ കനത്ത മൂടൽമഞ്ഞ് അനുഭവപ്പെട്ടതിനാൽ രാജ്യത്തിന്റെ വിവിധ ഭാഗങ്ങളിൽ യെല്ലോ അലേർട്ട് പ്രഖ്യാപിച്ചു. പുലർച്ചെ 3 മുതൽ രാവിലെ 8 വരെ മൂടൽമഞ്ഞ് വരും ദിവസങ്ങളിൽ തുടരുമെന്ന് നാഷണൽ സെന്റർ ഓഫ് മെറ്റീരിയോളജി അറിയിച്ചു.

മൂടൽമഞ്ഞിന്റെ സാഹചര്യത്തിൽ ചില റോഡുകളിൽ ദൃശ്യപരത കുറയുന്നതിനാൽ വാഹനമോടിക്കുന്നവർ ജാഗ്രത പാലിക്കണമെന്ന് നാഷണൽ സെന്റർ ഓഫ് മെറ്റീരിയോളജി അറിയിച്ചു.

യുഎഇയുടെ നാഷണൽ സെന്റർ ഓഫ് മെറ്റീരിയോളജിയുടെ റിപ്പോർട്ട് പ്രകാരം ദുബൈയിലും അബുദാബിയിലും മൂടൽമഞ്ഞ് ബാധിച്ച പ്രദേശങ്ങൾ ചിത്രത്തിൽ കാണാം.

അതേസമയം പകൽ സമയങ്ങളിൽ പതിവ് പോലെ ചൂട് നിറഞ്ഞതായിരിക്കും. ഇന്ന് മഴക്ക് സാധ്യതയില്ല. വ്യാഴാഴ്ച രാവിലെ വരെ രാത്രി ഈർപ്പമുള്ളതായിരിക്കുമെന്ന് പ്രതീക്ഷിക്കുന്നതായി കാലാവസ്ഥ വകുപ്പ് അറിയിച്ചു. പ്രത്യേകിച്ച് ചില തീരപ്രദേശങ്ങളിലും ഉൾനാടൻ പ്രദേശങ്ങളിലും ഈർപ്പമുള്ളതാകും.