സന്ദേശം പങ്കുവച്ച് ഐസ്ആര്‍ഒ

'ഇന്ത്യാ.. ഞാനെന്റെ ലക്ഷ്യ സ്ഥാനത്തെത്തിയിരിക്കുന്നു, ഒപ്പം നിങ്ങളും'... ഇങ്ങനെയാണ് ഐഎസ്ആര്‍ഒ ചന്ദ്രയാന്‍ 3 ലാന്‍ഡിങ്ങിനെ എക്‌സില്‍ (ട്വിറ്ററില്‍) രേഖപ്പെടുത്തിയത്.

ചന്ദ്രയാന്‍ മൂന്ന് വിജയകരമായി ചന്ദ്രനില്‍ സോഫ്റ്റ് ലാന്റിങ് നടത്തി.അഭിനന്ദനങ്ങള് ,ഇന്ത്യ.. ഐഎസ്ആര്‍ഒ ഔദ്യോഗിക ട്വിറ്റര്‍ അക്കൗണ്ടില്‍ കുറിച്ചു.

Chandrayaan-3 Mission:
'India??,
I reached my destination
and you too!'
: Chandrayaan-3

Chandrayaan-3 has successfully
soft-landed on the moon ?!.

Congratulations, India??!#Chandrayaan_3#Ch3

— ISRO (@isro) August 23, 2023

കൃത്യം വൈകിട്ട് 6.04ഓടെ ചന്ദ്രയാന്‍ 3 സോഫ്റ്റ് ലാന്‍ഡിങ് പൂര്‍ത്തിയാക്കിയത്. ചന്ദ്രന്റെ ദക്ഷിണധ്രുവത്തില്‍ ഇറങ്ങുന്ന ആ?ദ്യ ചാന്ദ്രദൗത്യമായി ഇന്ത്യയുടെ ചന്ദ്രയാന്‍ 3 മാറി. ചന്ദ്രനില്‍ സോഫ്റ്റ് ലാന്‍ഡിങ് നടത്തുന്ന നാലാമത്തെ രാജ്യമായി ഇന്ത്യ. 5.45 മുതലായിരുന്നു ലാന്‍ഡിങ് പ്രക്രിയ ആരംഭിച്ചത്.

എന്തെങ്കിലും പ്രശ്‌നമുണ്ടെങ്കില്‍ ഓഗസ്റ്റ് 27ലേക്ക് ലാന്‍ഡിങ് മാറ്റാനായിരുന്നു തീരുമാനമുണ്ടായിരുന്നെങ്കിലും ഇന്ന് തന്നെ ലാന്‍ഡിങ് നടത്താന്‍ കഴിയുമെന്ന് ഐഎസ്ആര്‍ഒ വ്യക്തമാക്കിയിരുന്നു. നേരത്തെ നിശ്ചയിച്ചുറപ്പിച്ച സ്ഥാനത്ത് തന്നെ ലാന്‍ഡിങ് വിജയകരമായി ലാന്‍ഡര്‍ പൂര്‍ത്തിയാക്കി.

ആകാശവും ഇന്ത്യയ്ക്ക് പരിധിയല്ലെന്ന് ഇന്ന് തെളിഞ്ഞിരിക്കുകയാണെന്ന് ഐതിഹാസികമായ ചന്ദ്രയാന്‍3 സോഫ്റ്റ് ലാന്‍ഡിംഗിന് ശേഷം പ്രധാനമന്ത്രി നരേന്ദ്രമോദി പറഞ്ഞു.