HOME
DETAILS

കണ്‍സ്യൂമര്‍ ഫെഡ് ജീവനക്കാരെ ദ്രോഹിക്കുന്ന നിലപാട് സര്‍ക്കാര്‍ തിരുത്തണം: യു.ഡി.എഫ്

  
backup
August 24 2016 | 18:08 PM

%e0%b4%95%e0%b4%a3%e0%b5%8d%e2%80%8d%e0%b4%b8%e0%b5%8d%e0%b4%af%e0%b5%82%e0%b4%ae%e0%b4%b0%e0%b5%8d%e2%80%8d-%e0%b4%ab%e0%b5%86%e0%b4%a1%e0%b5%8d-%e0%b4%9c%e0%b5%80%e0%b4%b5%e0%b4%a8%e0%b4%95%e0%b5%8d



വടക്കാഞ്ചേരി: സഹകരണ വകുപ്പിന് കീഴിലുള്ള കണ്‍സ്യൂമര്‍ഫെഡ് ജീവനക്കാരെ പിരിച്ച് വിടാനുള്ള നീക്കത്തില്‍ നിന്ന് സംസ്ഥാന സര്‍ക്കാര്‍ പിന്‍വാങ്ങണമെന്ന് യു.ഡി.എഫ് വടക്കാഞ്ചേരി നിയോജക മണ്ഡലം നേതൃസമ്മേളനം ആവശ്യപ്പെട്ടു. മറ്റൊരു ആശ്രയവുമില്ലാത്ത വനിതകളാണ് ജീവനക്കാരില്‍ ഭൂരിഭാഗവും.
വര്‍ഷങ്ങളായി ഈ സ്ഥാപനത്തിന്റെ ഉന്നമനത്തിന് വേണ്ടി പ്രവര്‍ത്തിക്കുന്നവരാണ് ഇവര്‍. കര്‍ഷക തൊഴിലാളികളുടെ മകനായി ജനിച്ച് വളര്‍ന്ന് വന്ന മന്ത്രി. ഇത്തരം തീരുമാനം കൈകൊള്ളുന്നത് എന്തുകൊണ്ടാണെന്ന് മനസിലാകുന്നില്ല.  പാവപ്പെട്ടവരെ ദ്രോഹിച്ചല്ല രാഷ്ട്രീയ താല്‍പര്യങ്ങള്‍ സംരക്ഷിക്കേണ്ടതെന്നും യു.ഡി.എഫ് വ്യക്തമാക്കി.
ഓഗസ്റ്റ് 30ന് നടക്കുന്ന തൃശൂര്‍ കലക്‌ട്രേറ്റ് ധര്‍ണ വിജയിപ്പിക്കാനും തീരുമാനമെടുത്തു. ജില്ലാ ചെയര്‍മാന്‍ ജോസഫ് ചാലിശ്ശേരി ഉദ്ഘാടനം ചെയ്തു. നിയോജക മണ്ഡലം ചെയര്‍മാന്‍ എന്‍.എ സാബു അധ്യക്ഷനായി.
ഗിരിജന്‍, ഉമ്മര്‍ ചെറുവായില്‍, തോമാസ് മാസ്റ്റര്‍, ജോയ് കണ്ണംപുഴ, കെ.അജിത്കുമാര്‍, രാജേന്ദ്രന്‍ അരങ്ങത്ത്, ഷാഹിതറഹ്മാന്‍, ജിജോ കുരിയന്‍, ജിമ്മി ചൂണ്ടല്‍, എ.എസ് ഹംസ സംസാരിച്ചു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."