ദുബൈ:അബൂദബി എയര്‍ പോര്‍ട്ടില്‍ നിന്നും ദുബൈയിലേക്ക് ബസ് സര്‍വീസ് ആരംഭിക്കുന്നു. ആദ്യഘട്ടത്തില്‍ വിസ് എയര്‍ വിമാനത്തിലെ യാത്രക്കാര്‍ക്കായാണ് ബസ് സൗകര്യം. അടുത്തഘട്ടത്തില്‍ മറ്റ് വിമാനങ്ങളിലെ യാത്രക്കാര്‍ക്കും ഇത് പ്രയോജനപ്പെടുത്താം.അബൂദബി വിമാനത്താവളത്തിന്റെ ഒന്ന്, രണ്ട്, മൂന്ന് ടെര്‍മിനലുകളില്‍ നിന്നും ദുബൈ ജബല്‍ അലിയിലെ ഇബ്‌നുബത്തൂത്ത ബസ് സ്റ്റേഷനിലേക്കാണ് പുതിയ ബസ് സര്‍വീസ്. ഇതിന്റെ ഭാഗമായി കാപിറ്റല്‍ എക്‌സ്പ്രസുമായി ദുബൈ ആര്‍.ടി.എ കരാര്‍ ഒപ്പിട്ടു. യാത്രക്കാരെ കൊണ്ടുപോകാനും കൊണ്ടുവരാനും കാപിറ്റല്‍ എക്‌സ്പ്രസ് സൗകര്യം ഏര്‍പ്പെടുത്തും. ദുബൈയില്‍ ബസിന്റെ് പാര്‍ക്കിങ് സ്ഥലങ്ങളും യാത്രക്കാര്‍ക്കുള്ള മറ്റു അടിസ്ഥാന സൗകര്യങ്ങളും ആര്‍.ടി.എ ഒരുക്കും.വിസ് എയര്‍ യാത്രക്കാര്‍ക്ക് വിമാന ടിക്കറ്റിനൊപ്പം ബസ് നിരക്കും ഈടാക്കുന്ന സംവിധാനമാണ് ഏര്‍പ്പെടുത്തുന്നത്. അടുത്തഘട്ടത്തില്‍ മറ്റുവിമാനങ്ങള്‍ക്കും ഈ സൗകര്യം ലഭ്യമാക്കുമെന്നാണ് അധികൃതര്‍ നല്‍കുന്ന സൂചന.