വാഷിങ്ടണ്‍: റഷ്യ ഉത്തര കൊറിയയില്‍ നിന്ന് വന്‍ തോതില്‍ ആയുധങ്ങള്‍ വാങ്ങുന്നതായി യു.എസ്. ഉക്രൈനിലെ റഷ്യന്‍ അധിനിവേശം ആറ് മാസം പിന്നിട്ടതോടെ ആയുധങ്ങള്‍ വാങ്ങാന്‍ റഷ്യ നിര്‍ബന്ധിതരായിരിക്കുകയാണെന്ന് ന്യൂയോര്‍ക്ക് ടൈംസ് റിപ്പോര്‍ട്ട് ചെയ്തു. സൈനികരുടെ ക്ഷാമവും യുദ്ധോപകരണ സാമഗ്രികളുടെ കുറവും റഷ്യക്കുണ്ടെന്ന് ഏതാനും ദിവസം മുമ്പ് അമേരിക്കന്‍ മാധ്യമങ്ങള്‍ വാര്‍ത്തനല്‍കിയിരുന്നു.
റോക്കറ്റുകളും ഷെല്ലുകളുമാണ് ഉത്തര കൊറിയയില്‍ നിന്ന് വാങ്ങുന്നത്. ഇറാനില്‍ നിന്ന് കഴിഞ്ഞയാഴ്ച റഷ്യ ഡ്രോണുകള്‍ വാങ്ങിയിരുന്നു. ഇറാനും ഉത്തരകൊറിയയും അമേരിക്ക ഉള്‍പ്പെടെയുള്ള പടിഞ്ഞാറന്‍ ശക്തികളുടെ ഉപരോധ ഭീഷണി നേരിടുന്ന രാജ്യങ്ങളാണ്.